Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   ঙসিদগী নুমিৎ তরানি চুপ্না ইম্ফালগী তোঙান তোঙানবা মপম অহুমদা মনিপুর সঙাই ফেস্টিবেল পাঙথোক্লগনি। ।।।।।। লোকসভাগী নিংথম মীফম দিসেম্বরগী তাং ১১দগী হৌরগনি। ।।।।।। আসাম সিভিল সার্ভিস পরিক্ষাদা হাইলাকান্দিগী মারিয়া তানিম না খ্বাইগী মকোক থোংলে অদুগা শিলচরগী কৈশাম ঈশান সিংহ তরেৎসুবা পোজিসনদা মায়পাকলকলে। ।।।।।।। এমসি মেরি কোম য়াওনা ভারতকী নুপী বোক্সর মরি নিউদিল্লিদা শান্নরিবা ৱুমেন্স ৱার্লদ বোক্সিং চেম্পিয়নশিপকী সেমি ফাইনেলদা খোঙথাংজিনখ্রে।

March 18, 2018

মীৎতা “নেনোদ্রোপ” শিজিন্নরগা মখা তানা আনোক উপত্রবসু য়ারগনি

Lars Andreas/WikiMedia

মীৎনবু ফৎলকত্রবদি করিগুম্বা থবক অমত্তা নিংথিনা পাঙথোকপা ঙমলকতে। আনোক উপ্লগা থবক শুবা হায়বসিমসু থোইদোক্না নুঙাইবা অমদি নত্তে। কন্তেক্ লেন্স শিজিন্নরিবা মীওইশিংদসু অদুমঙাই। হন্দক্তা বিজ্ঞানগী তাইবঙদা ইনৌ নৌনা থোক্লকখিবা পাউ অমগী মতুং ইন্না মীওইবগী মীৎনহা (কোর্নিয়া) অসি মশা মঊ ফনা থম্বা য়ানবা অমসুং হান্নগী ফিভমদা অমুক হন্না শেংনা উহনবা ঙমহল্লগদবা মীৎকী দ্রোপ অমা পুথোকখ্রে। “নেনোদ্রোপ” হায়না মীংথোনবা দ্রোপ অসিনা মীওইবনা আনোক উপত্রবসু ময়েক শেংনা উবা য়াবগী তাঞ্জা অমা লাক্কদৌরি। 
ইজরাইলগী “শারে জেদেক মেদিকেল সেন্টর” অমসুং “বার-ইলান ইউনিভার্সিতি” গী মীৎকী লমদা থীজিনবা কাঙবু অমনা মীৎকী কোর্নিয়া রিপেয়ার তৌরগা অরাপ্পা অমসুং অনকপদা লৈবা পোৎশক উবদা ময়েক শেংদবা মীৎনহাশিং মাইপাক্না শেমদোকপা ঙমখ্রে। চাংয়েং অসি ওক্কী মীৎনহাদা মাইপাক্না চাংয়েং তৌখ্রে। অদুগা মীওইবদা চহীসিগী অরোইবদা ক্লিনিকেল ট্রায়েল চৎথরগনি। লমসিদা থিজিল্লিবা রিছার্স টিমগী লিদর ডাঃ স্মাজা গী মতুং ইন্না অরাপ্পা, অনকপা অমসুং অরাপ্পা-অনকপা অনিমক য়েংবদা ময়েক শেংদবা মীৎকী দমক “নেনোদ্রোপ” অসি শিজিন্নরগা মখা তানা আনোক উপত্রবসু য়ারগনি হায়না চৎলিবা চহি অসিগী ফেব্রুৱারী থাদা ইজরাইলগী স্টেনবার্গ ওদিতোরিয়ামদা ফোঙদোকখ্রে।


লখিপুরওনলাইন গী ফেসবুক পেজ লাইক তৌবিউ।

No comments:

Post a Comment

Comments ...