Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   ঙসিদগী নুমিৎ তরানি চুপ্না ইম্ফালগী তোঙান তোঙানবা মপম অহুমদা মনিপুর সঙাই ফেস্টিবেল পাঙথোক্লগনি। ।।।।।। লোকসভাগী নিংথম মীফম দিসেম্বরগী তাং ১১দগী হৌরগনি। ।।।।।। আসাম সিভিল সার্ভিস পরিক্ষাদা হাইলাকান্দিগী মারিয়া তানিম না খ্বাইগী মকোক থোংলে অদুগা শিলচরগী কৈশাম ঈশান সিংহ তরেৎসুবা পোজিসনদা মায়পাকলকলে। ।।।।।।। এমসি মেরি কোম য়াওনা ভারতকী নুপী বোক্সর মরি নিউদিল্লিদা শান্নরিবা ৱুমেন্স ৱার্লদ বোক্সিং চেম্পিয়নশিপকী সেমি ফাইনেলদা খোঙথাংজিনখ্রে।

February 02, 2018

২০১৮-১৯ চহীগী সাধারণ বাজেট কেন্দ্রগী শেলথুম মন্ত্রী অরুণ জেটলীনা লোকসভাদা পুথোকখ্রে।

কেন্দ্রগী শেলথুম মন্ত্রী অরুণ জেটলীনা ফেব্রুৱারী তাং ১, ২০১৮ ইরাই নুমিত্তা লোকসভাদা ২০১৮-১৯ চহীগী লুপা কোটি লাখ ২৪ লিশিং ৪২ গা ২১৩গী ওইবা সাধারণ বাজেট পুথোকখ্রে। ২০১৯ চহীদা পাঙথোক্কদৌরিবা লোকসভা মীখলগী মাংওইননা বাজেট অদু পুথোক্লদুনা শেলথুম মন্ত্রী অরুণ জেটলীনা হন্দক্কী বাজেট অসি লৌউ-শিংউ অমসুং খুঙ্গংগী শেনমীলোন, মীপুম খুদিংমক হকচাং ফনা লৈহনবা, সিনিয়র সিটিজেনশিংবু নিংথিনা ঙাকশেনবীবা অমসুং ইনফ্রাস্ট্রাকচার শেমগৎপা হায়বসিদা অখন্নবা মীৎয়েং থমলি হায়খি। সরকার অসিনা লাইরবা কোকহনবা অমসুং পুন্না চাওখৎমিন্নবা হায়বা ৱাখল্লোনদা মপুংওইবা মীৎয়েং থম্লি।
ইনকম টেক্সকী রেট কোর্পোরেট টেক্সতা করিগুম্বা মখল অমত্তগী অহোংবা পুরকপগী ৱাফম বাজেট অসিদা য়াওদে। অদুম ওইনমক তলব চাবা কর্মচারীশিং, পেন্সনারশিং, সিনিয়র সিতিজেনশিংদা লোয়ননা মাইক্রো, স্সোল অমসুং মেদিয়াম ইন্দস্ট্রিজশিংদা মতেং পীগদৌরি। তলব চাবা মীওইশিংগী ত্রান্সপোর্ট এল্লাৱেন্স অমসুং মেদিকেল রি-ইম্বার্সমেন্‌টকী মহুত্তা লুপা লিশিং ৪০ গী স্টেন্দার্দ দিদক্সন তৌননবা প্রস্তাব তৌখি। পেন্সনরশিংনা ত্রান্সপোর্ট অমসুং মেদিকেল এক্সপেরিয়েন্সেস ফংদবা মরমনা থৌরাং অসিনা মখোয়দা কান্নবা ফংহল্লগনি হায়না শ্রী জেটলিনা ফোংদোকখি।
অনা-লায়েংগী লমদা লাইরবা ইমুং কোতি ১০ রোম কোনশিনগদবা নেসনেল হেল্থ প্রোটেক্সন স্কিম কৌবা ফ্লেগসীপ প্রোগ্রাম অমা বাজেট অসিদা হাপলে। স্কিম অসিগী মখাদা ইমুং অমদা চহিদা অনা লায়েংগীদমক লুপা লাখ মঙা-মঙা পীননবা পান্দম থম্লি। অনা লায়েংগী লমদা স্কীম অসিনা মালেমগী ওইনা খ্বাইদগী চাউবা স্কীমনি অসিবু থবক ওইনা ওন্থোক্নবা হোৎনবদা সরকারনা মতিক চাবা শেন্থং পীগনি হায়রি।
লৌমীশিংগী ইনকম হেনগৎনবগীদমক লৌউ শিংউগী পোৎথোকশিং য়োন্নবগী খুদোংচাবা হেনগৎনহন্নবা লুপা কোতি লিশিং ২ গী কোর্পস্ ফন্দ অমা শেম্লগনি। লাক্লিবা খরিফ লৌরোক্তা মিনিমম সপোর্ট প্রাইস শরুক অমা মখাই হেনগৎহল্লগনি হায়না মন্ত্রীনা লাউথোকখি। কিসান ক্রেদিট কার্দনা ফিসরিজ অমসুং এনিমেল হাসবেন্দরী কোনশিন্দুনা লৌমীশিংদা হেন্না কান্নবা পীরগনি। উমংগী মপানদা হৌবা ৱাশিং নৌনা কেতগোরী খাইদোক্তুনা ৱাগী উদ্যোগ চাওখৎহন্নবা লুপা কোতি লিশিং ১২৯০ হাপ্লে।
প্রাইমারী সেকেন্দরী অমসুং হয়ার ইদুকেসনগীদমক পার্সোনেল ইনকম টেক্স অমসুং কোর্পোরেট টেক্সদগী লৌবা সেস চাদা অমদগী মরি য়ৌহন্নবা বাজেট অসিদা প্রস্তাব তৌরি। ইদুকেসনগী সেস অমসুং সেকেন্দরী অমসুং হয়ার সেকেন্দরী ইদুকেসনদগী লৌবা সেস মুত্থৎলগা মদুগী মহুত্তা চাদা ১০গী কস্তম দিউতিগী চাদা ১০ গী সোসিয়েল সরচার্জ ওইনা লৌনবগী ৱাফম বাজেট অসিদা য়াওরি। মসিনা সরকারনা পায়খৎপা সমাজকী য়াইফ থৌরাংগী স্কিমশিংদা রিসোর্স হেনগৎহল্লগনি।
জিএসটি চৎনখিবগা লোয়ননা সেন্ট্রেল বোর্দ অফ এক্সাইজ এন্দ কস্তমস্ অসি সেন্ত্রেল বোর্দ অফ ইন্দাইরেক্ট টেক্সেস এন্দ কস্তমস্ হায়না মমিং ওল্লে। উজ্ৱালা মীসনগী মখাদা খুঙ্গংগী নুপী কোতি ৮ দা লেম্না এলপিজি কনেক্সন ফংহল্লগনি। স্বাচ ভারত মীসনগী মখাদা খোঙহাম্ফম কোতি অনি শাগনি। ২০১৮-১৯ দা প্রধান মন্ত্রী অৱাজ যোজনাগী মখাদা য়ুম লাখ ৫১ শাননবগী ৱাফমসু বাজেট অসিদা পল্লি।
মহৈ মশিং অমসুং ত্রাইবেল দেবলপমেন্টকা মরী লৈনবা সেদিউল ত্রাইব কাংলুপকী মীশিং চাদা ৫০ হেন্না লৈবা নত্রগা য়ামদ্রবদা লিশিং ২০ লৈবা ব্লোকশিংদা নবোদোয়া বিদ্যালয়শিংগা মান্নবা একলব্য মোদেল রিসিদেন্সিয়েল স্কুলশিং লিংখৎনবগীদমক বাজেট অসিদা প্রস্তাব তৌরি। সেদিউল কাস্ত অমসুং সেদিউল ট্রাইবকী শেলথুমগী ফিভম ফগৎহন্নবগী পান্দমদা সেদিউল কাস্তশিংগী দমক পায়খৎকদবা  প্রোগ্রাম ২৭৯গী শেনফম লুপা কোতি লিশিং ৩৯০০ দগী লুপা কোতি লিশিং ৫৬ ফাওবা হেনগৎলে। সিদিউল কাস্তশিংগী পায়খৎকদবা প্রোগ্রাম ৩০৫ গী শেনফমসু লুপা কোতি ৩৯ দা হেনগৎলে।

অসোমদা বাজেট অসিবু থাগৎপা ফোঙদোক্লদুনা প্রধান মন্ত্রীনা লৌউ শিংউদগী হৌরগা মচাক মথুম শেমগৎপা য়াওনা লম খুদিংমক্তা বাজেট অসিদা মপুং ওইবা মীৎয়েং থমলি হায়খি। বাজেট অসিনা খুঙ্গংগী লৌমীশিং, দলিতশিং অমসুং ত্রাইবেল কাংলুপশিংদা অনৌবা খুদোংচাবশিং ফংহল্লগনি। অদুবু ওপোজিসননদি বাজেট অসি নীংবা কায়নিঙাইনি হায়না ফোঙদোকখি। কংগ্রেস লুচিংবা অশোক চৌহাননা বাজেট অসিদা লৌমীশিংগী অমসুং মীচম মীয়ামগী কান্নগদবা অখন্নবা প্রস্তাব অমত্তা পন্দে হায়খি। লৈবাক অসিদা তশেং তশেংনা ওইরিবা ফিভমগা বাজেট অসিগা মরী লৈনদে হায়না সিপিআইএম গী জেনরেল সেক্রেটরী সিতারাম য়েচুরীনা মরাল শিরি। ত্রিনামুল কংগ্রেসকী লুচিংবা দিনেস ত্রিভেনীনা বাজেট অসিদা অনৌবা অমত্তা য়াওদে অমসুং মসিদি ২০২২ গী বিজেপীগী মীখলগী মেনিফেস্টোনি হায়খি।


লখিপুরওনলাইন গী ফেসবুক পেজ লাইক তৌবিউ।

No comments:

Post a Comment

Comments ...