Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   ঙসিদগী নুমিৎ তরানি চুপ্না ইম্ফালগী তোঙান তোঙানবা মপম অহুমদা মনিপুর সঙাই ফেস্টিবেল পাঙথোক্লগনি। ।।।।।। লোকসভাগী নিংথম মীফম দিসেম্বরগী তাং ১১দগী হৌরগনি। ।।।।।। আসাম সিভিল সার্ভিস পরিক্ষাদা হাইলাকান্দিগী মারিয়া তানিম না খ্বাইগী মকোক থোংলে অদুগা শিলচরগী কৈশাম ঈশান সিংহ তরেৎসুবা পোজিসনদা মায়পাকলকলে। ।।।।।।। এমসি মেরি কোম য়াওনা ভারতকী নুপী বোক্সর মরি নিউদিল্লিদা শান্নরিবা ৱুমেন্স ৱার্লদ বোক্সিং চেম্পিয়নশিপকী সেমি ফাইনেলদা খোঙথাংজিনখ্রে।

January 25, 2018

লখিপুর বিজেপীগী মনুংদা লৈবা অমগা অমগা মোত মান্নদবগী থৌওংনা শহর অসিগী চাউখৎপগী খোঙজেল তপথহল্লে।

লখিপুরওনলাইন দিজিতেল দেক্সঃ লখিপুর বিজেপীগী মনুংদা লৈরিবা অমগা অমগা মোত মান্নদবগী থৌওংনা শহর অসিগী চাউখৎপগী খোঙজেল তপথহল্লে। অসুম্না অসুম ঙাংনরকপা চহী য়ামশিল্লকলে। বিজেপীনা পানবগী মমাংদগী হৌনা চাউখৎপগী মতাংসিদা অদুম্মক ঙাংনরক্লবনি। হৌখিবা ২০১৫ দা মিউনিসিপাল বোর্দ শেম্লবা মতুংদগী চাউখৎপগী খোঙজেল অসি মঙম ইশান শান্দবগুম তৌই হায়বা য়াই। বোর্দ অসিগী মতম লোয়শিল্লক্কদবসু য়ামশিল্লকত্রবনি। ২০২০ দা লোইরে। পাউগী লিখুন মতুং ইন্না চাউখৎ থৌরাংগী দমক থেংখাং অনিরকতা লুপা লাখ ১৭ অমসুং ১৩ তৌদুনা  শেল কায়থরকখি। অদুবু লাখ ১৭কী থবক শুবা লোয়রবসু লুপা লাখ ১৩ গী থবক হৌজিকফাওবা লোইশিনদ্রি হায়রি। মতম কুইনা শহর অসিগী নিংবা থুংদবা কয়া হন্দকতি মিউনিসিপাল বোর্দ অসি বিজেপীনা মখুৎ চল্লবনিনা শোয়দনা পায়খৎলক্লগনি হায়বসি মীয়ামগী থাজবনি। অদুবু মখোয় মশেলগী মরক্তা  অমগা অমগা মোত তিন্নদবগী থৌদোক কয়া হন্দক উবা ফংলি। ২০১৬ কী লখিপুর বিধানসভা চক্রগী বিজেপী মীরেপ ওইখিবা হৌজিকনা কাছার জিলাগী দিস্ট্রিক একজিক্যুটিব মেম্বর লাইরিকয়েংবম থোইবা (উত্তম) দা পাউচে অমনা হংবা ৱাহংগী পাউখুমদা লখিপুর সহর চাউখৎলবতদা লখিপুর বিধান সভানা কোনবা মফম খুদিংমক্কী চাউখৎপা পুরক্কনি হায়বদু য়া্ম্না মরুওইবা ৱাফমনি। মহাক লখিপুরগী খুঙ্গং খুঙ্গংশিংদসু কোয়না চৎতুনা মীয়ামগী চাউখৎ-থৌরাংগী মতাংদা কন্না হোৎনজরিবা মীশকনি। হৌখিবা জনুৱারী ১৯ দা বিবেক বাহিনি লখিপুর মছানা শিল্লাংদুনা  পাঙথোকখিবা চিঞ্জাক্কী মেলা অমগী বার্তন চেদা লখিপুর মিউনিসিপাল বোর্দকী নৌনা খল্লবা চেয়ারমেন সঙ্গীতা গুরুং গী মিং বার্তন চেদা য়াওরকখিদে। মদুগী মতাংদা বিজেপীগী থৌমী অমনা সোসিয়েল মেদিয়াদা বার্তন চে অদুমক থাঙ্গৎলকপদগী অমগা অমগা ৱাহৈ কারন চন্নবা লেপ্নখিদে, কমেন্টশিং অদুনা লখিপুর বিজেপীগী মনুংদা মখোয় মশেলগী মনুংদা অমগা অমগা মোত তিন্নদবা লৈ হায়বসি মীয়াম্না অদুম্মক উবা ফংলি। অমবু  অমবু ওইরবসু লখিপুর মীয়ামগী য়েংদুনা মখোয় মশেলগী মরক্তা অমগা অমগা চুংশিন্নদুনা লখিপুর সহরগী চাউখৎপগী লমদাংদা করম্না অফবা লম্বীদা লমজিংশিগে হায়বদু ৱাতাহন্নিংঙি।

লখিপুরওনলাইন গী ফেসবুক পেজ লাইক তৌবিউ।

No comments:

Post a Comment

Comments ...