Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   ফোতো কোন্নবা এনআরসিগী ফাইনেল লিস্ট জুলাই ৩০দা পুথোক্লগনি। |||| ইন্দোনেসিয়ানা য়ুম্বু ওইদুনা জাকার্তা অমসুং পালেম্বাংদা আগষ্ট ১৮দগী পাঙথোক্কদবা এশিয়ান গেমসতা কাছারগী থৌদাম কবিতা ফেন্সিংদা শরুক য়াগদৌরি। |||| জুলাইগী ২৭তা চহী-চাসিগী খ্বাইদগী শাংবা চন্দ্রগ্রহন ওইগদৌরি। |||| অৱাং নোংপোক্কী রাজ্য খুদিংমক নেসনেল গ্যাস গ্রীদনা শম্নহল্লগনি।

August 03, 2016

প্রধানমন্ত্রী না নৌনা থবক পায়রবা আই এ এস ওফিসরশিংগী মফমদা: অকোইবা অমসুং মফম মতমগী মতুং ইন্না মীৎশিং নাশিংনা লৈনবা খঙহনখ্রে

প্রধানমন্ত্রী, শ্রী নরেন্দ্র মোদীনা ঙসি নৌনা থবক পায়রবা আই এ এস ওফীসরশিংগী মফমদা ভারতকী মীয়ামগা নক্নবা মরি থমননবা মখোয় মখোয়গী অকোইবা অমসুং মফম মতমগী মতুং ইন্না মীৎশিং নাশিংনা লৈনবা পাউতাক পীখ্রে।

২০১৪ বেচকী আই এ এস ওফীসরশিংবু এসিস্তেন্ট সেক্রেতরি ওইনা থবক পায়হনবা হৌবগী মীফমদা ৱারোল পীরদুনা, মখোয়না শাংলবা ত্রেনিং মতমদা ফংখিবা অৱাংবা থাক্কী মহৈ অমসুং লৌশিং অদু উৎথোকচনবা অচৌবা তাঞ্জা অমা ফংলে হায়না প্রধানমন্ত্রীনা ফোংদোকখি। লাক্কদৌরিবা থা অহুম অসিদা মখোয়গী হৈশিংবা অমসুং থবক তৌবগী কান্নবা অদু মখোয় মখোয়না লৈরুগদৌরিবা বিভাকশিং অদুদা ফংহন্নবা মহাক্না খঙহনখি। নহা ওইরিবা ওফীসরশিং অদুদা মহাক্না মরু ওইনা লৈঙাকলোনগী থবক থৌরমদা তেক্নোলোজি শিজিন্ননবা অমসুং তেক্নোলোজিবু অহেনবা থাকতা পুখৎনবা খঙহনখি ।

প্রধানমন্ত্রীনা ওফীসরশিং অদুদা মখোয়না কেন্দ্র সরকারদা এসিস্তেন্ট সেক্রেতরি ওইনা থা ৩ থৌ পুরিঙৈ মনুংদা মথক থোংবা ওফীসরশিং উবদা থক্কৎপা য়াওদনা অমসুং তোরো খোন্দাননা অকিবা লৈতনা ৱারি ৱাতাই তৌননবা খঙহনখি । মহাক্না মসিমশু পনখি মদুদি ২০১৩ বেচতগী হৌখিবা আই এ এস ত্রেনিং অসি অনৌবা শক্তম অমনি অমসুং আই এ এস ওফীসরশিংনা মখোয়গী কেরিয়র হৌবদা কেন্দ্রদা থবক তৌবগী খুদোং চাবা অদু ফংহল্লি, খুদোং চাবা অসি মখোয়গী মথক থোংবশিংগী মতমদা ফংখিদে।

কেন্দ্রগী পরসোনেল,পব্লিক গ্রিবেন্সেসস অমসুং পেন্সনগী রাজ্য মন্ত্রী, ডোক্তর জিতেন্দ্রা সিংহ অমসুং সরকারগী মকোক থোংবা ওফিসরসিংনা থৌরম অদুদা শরুক য়াখি। (পিআইবি - 02-August, 2016)

No comments:

Post a Comment

Comments ...