Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   ঙসিদগী নুমিৎ তরানি চুপ্না ইম্ফালগী তোঙান তোঙানবা মপম অহুমদা মনিপুর সঙাই ফেস্টিবেল পাঙথোক্লগনি। ।।।।।। লোকসভাগী নিংথম মীফম দিসেম্বরগী তাং ১১দগী হৌরগনি। ।।।।।। আসাম সিভিল সার্ভিস পরিক্ষাদা হাইলাকান্দিগী মারিয়া তানিম না খ্বাইগী মকোক থোংলে অদুগা শিলচরগী কৈশাম ঈশান সিংহ তরেৎসুবা পোজিসনদা মায়পাকলকলে। ।।।।।।। এমসি মেরি কোম য়াওনা ভারতকী নুপী বোক্সর মরি নিউদিল্লিদা শান্নরিবা ৱুমেন্স ৱার্লদ বোক্সিং চেম্পিয়নশিপকী সেমি ফাইনেলদা খোঙথাংজিনখ্রে।

July 29, 2016

মন্ত্রীমন্দলনা ত্রান্সজেন্দর মীওইশিংগী ( প্রোতেক্সন ওফ রাইৎ ) বিল ২০১৬ কী অয়াবা পীখ্রে

প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ত্রান্সজেন্দর মীওইশিংগী ( প্রোতেক্সন ওফ রাইৎ ) বিল ২০১৬ কী অয়াবা পীখ্রে । বিল অসিগী মতুং ইন্না সরকারনা মখোয়গী খুন্নাইগী , শেল থুমগী অমসুং মহৈ মসিংগী মতিক মঙমগীদমক্তা মফম অমা শেমলে । বিল অসিনা ঙমখৈ অমদা থম্বীরবা মশিং য়াম্লবা ত্রান্সজেন্দর মীওইশিংবু খুন্নাই অসিদা তিলহন্নবা অমসুং মায়েক্নরিবা খেন্নবা অমসুং তুহৎপীবা কয়া অসিবু লোইশিনবদা মতেং ওইরগনি । মসিনা চাওরবা অপুনবা অসি হেনগৎহল্লগনি অমসুং ত্রান্সজেন্দর মীওইশিংবু খুন্নাই অসিগী মতিক চাবা মীহুৎ অমা ওইহল্লগনি ।
ত্রান্সজেন্দর কাংলুপশিং অসি লৈবাক অসিগী খ্বাইদগী তোঙান্না লৈবা মীহুৎশিংগী মনুং চল্লি মরমদি মখোয় জেন্দরগী ‘ নুপা ’ অমসুং ‘ নুপী ’ গী স্তেরিওতাইপ কেতাগোরীদা ফিৎ ওইদে । মরম অসিনা খুন্নাইগী ওইবা হন্থবা মিয়েংদগী হৌদুনা মীওইবগী খেন্নবা ফাওবা , মহৈ মসিংগী অৱাৎপা , থবক ফংদবা , হকশেলগী ওইবা খুদোংচাবশিংগী অৱাৎপা অসিনচিংবা অৱাবশিং অসি মায়োক্নৈ ।
বিল অসিনা স্তেকহোল্দর পুম্নমকপু মসিগী পান্দম অসিবু পাংথোক্নবা থৌদাং অমসুং দায়িত্ব শিন্নগনি । মসিনা কেন্দ্র সরকার অমসুং রাজ্য সরকারশিং/য়ু তিশিংগীদমক্তা ত্রান্সজেন্দর কাংলুপশিংগা মরি লৈনবা ৱাফমশিংদা য়ারিবমখৈ দায়িত্ব লেপথোক্কনি । (পিআইবি -20-July, 2016 )

No comments:

Post a Comment

Comments ...