Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   মণিপুর মোব ভাইওলেন্স কন্ট্রোল এন্দ প্রোহিবিসন বিল অসি অথুবা মতমদা পাস তৌদুনা এক্ট ওন্থোক্নবা হোৎনগনিঃ ৱাক্স মন্ত্রী থোঙাম বিশ্বজিৎ |||| মনিপুর ইউনিভার্সিতিগী ভাইস চেঞ্ছেলর প্রোফেসার এপি পান্দে থবক্তগী সস্পেন্দ তৌখ্রে। |||| শিলচর মিউনিসিপালগী মনুং চনবদা লৈবা লম্বী অমা সুবেদার খেলেন্দ্র রোড হায়না মীংথোনখ্রে। |||| মনিপুরী সেদ্যুল ট্রাইব দিমান্দ কমিতি অসামনা শিল্লাংদুনা মীতৈবু সেদ্যুল ট্রাইব লীস্টা চনগদবনি হায়বগী হীরমদা সেপ্তেম্বরগী তাং ২৩ শিলচর গান্ধি ভবনদা খন্ননৈনবগী থৌরম অমা পাঙথোক্লগনি। |||| মণিপুরগী চাকহাও উত্তরপ্রদেসতা থারগনি, গুৱাহাটিতনা চাকহাওনা য়ু শুংলগনি।

July 29, 2016

পেত্রাপোল ইন্তিগ্রেতেদ চেক পোস্ত ( আই সি পি ) পুন্না কৎথোকমিন্নবা

প্রধানমন্ত্রী শ্রী নরেন্দ্র মোদী অমসুং বাঙ্গলাদেশকী প্রধানমন্ত্রী শেখ হসীনাগী ভিদিও কনফ্রেন্সিংগী মতেংনা পেত্রাপোল ইন্তিগ্রেতেদ চেক পোস্ত অপুনবা মওংদা শঙ্গামিন্নখ্রে । নোংচুপ বঙ্গালগী মুখ্যমন্ত্রী মমতা বেনর্জীনসু কোলকতাদগী ভিদিও কনফ্রেন্সিংগী মতেংনা শরুক য়াখি ।
পেত্রাপোল-বেনাপোল অসি ভারত-বঙ্গলাদেশকী ললোল ইতিক্কীদমক্তা য়াম্না মরু ওইবা ঙমখৈ অমনি । ভারত বঙ্গলাদেশকী শুরক ৫০ দগীসু হেনবা ললোল ইতিক প্রেত্রোপোলগী মতেংনা পাংথোক্লি । লুপা কোতি ১৫০০০ দগী হেনবা ললোল ইতিক পেত্রাপোল ইন্তিগ্রেতেদ চেক পোস্তকী লম্বীদা পাংথোক্লি , অতৈ অতোপ্পা ভারতকী হিথাংফম পুম্নমক লোইননা কস্তম্স স্তেসন পুম্নমক্তগী হেল্লি । চহি খুদিংগী চাওরাক্না মীওই লাক্ষ ১৫ অমসুং ত্রক ১৫০,০০০ না পেত্রাপোল-বেনাপোল অসিবু ফাওদুনা চৎলি ।
পেত্রাপোল ইন্তিগ্রেতেদ চেক পোস্ত অসিদগী ঙাক্সেল , লাঞ্জেল্লকপা , কস্তম্স , ক্বারেন্তাইন্নচিংবা থবকশিং অসিগী খুদোংচাবা অমসুং মতিং থোকপা ঙম্নবগীদমক মফম অসিদা হেন্না কান্নবা ফংগনি , লোইননা মীয়াম , পোৎ চৈ অমসুং চৎথোক চৎসিন্দসু য়াম্না লাইনা খুদোংচাবা পীগনি ।
পেত্রাপোল ইন্তিগ্রেতেদ চেক পোস্ত অগরতলা ( ভারত )- অখৌরা ( বাঙ্গলাদেশ ) ঙমখৈদা অগরতলা ইন্তিগ্রেতেদ চেক পোস্তকী মতুংদা ভারত বাঙ্গলাদেশ ঙমখৈদা মসি অনিশুবা ইন্তিগ্রেতেদ চেক পোস্ত ওইরগনি । মসি খা থংবা এশিয়াদা খ্বাইদগী চাওবা হিথাংফম ওইরগনি ।
পেত্রাপোল ইন্তিগ্রেতেদ চেক পোস্ত লিংখৎপগা লোইননা মসিগী মতিক অসি শরুক অনি হেনগৎলকপগী ওইথোকপা লৈ অমসুং লোকেল ব্যুজিনেস কম্যুনিতীদা ত্রানসেক্সনগী মতম অমসুং মমল হন্থদুনা য়াম্না চাওনা কান্নবা ফংলগনি । পেত্রাপোল ইন্তিগ্রেতেদ চেক পোস্ত লিংখৎপা অসিনা ভারত অমসুং বঙ্গলাদেশকী মরক্তা শেল থুমগী খল অমসুং মরি শম্নবদা হেন্না চেৎশিনবা ওইরগনি । (পিআইবি-21-July, 2016)

No comments:

Post a Comment

Comments ...