Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   ফোতো কোন্নবা এনআরসিগী ফাইনেল লিস্ট জুলাই ৩০দা পুথোক্লগনি। |||| ইন্দোনেসিয়ানা য়ুম্বু ওইদুনা জাকার্তা অমসুং পালেম্বাংদা আগষ্ট ১৮দগী পাঙথোক্কদবা এশিয়ান গেমসতা কাছারগী থৌদাম কবিতা ফেন্সিংদা শরুক য়াগদৌরি। |||| জুলাইগী ২৭তা চহী-চাসিগী খ্বাইদগী শাংবা চন্দ্রগ্রহন ওইগদৌরি। |||| অৱাং নোংপোক্কী রাজ্য খুদিংমক নেসনেল গ্যাস গ্রীদনা শম্নহল্লগনি।

May 11, 2016

"রাজনিতি দলশিংগী মীহুৎশিং য়াওবা খোঙচৎ অসি মমিংতগী ওইনা তৌবদি য়ারোই" - রতন

(১১/০৫/২০১৬) - জোইন্ট কমিটি ওন ইন্নর লাইন পার্মিট সিস্টেম (জে,সি,আই,এল,পি,এস) কী কনভেনর খোমদ্রাম রতননা মনিপুরগী মুখ্যমন্ত্রি শ্রী ওক্রম ইবোবী সিংহনা লুচিংদুনা রাজনিতি দলশিংগী মীহুৎ কাংবু অমা নিউ দিল্লিদা চৎতুনা মনিপুর বিধান সভাদা পাস তৌখিবা বিল অহুম অদু রাস্ট্রপতিগী অয়াবা লৌনবা তক্নরুগনি হায়বা ৱাফমবু তরামনা ওকলি হায়বা ৱাফম ফোঙদোকখ্রে। আকাশ বাণী ইম্ফালগী পাউমীশিংগা অখন্ননা উন্নবা অমদা শ্রী রতননা রাজনিতি দলশিংগী মীহুৎশিং য়াওবা খোঙচৎ অসি মমিংতগী ওইনা তৌবদি য়ারোই হায়খি। খোংজোম লানদা মনিপুরগী ইপা-ইপুশিংনা বৃটিশকা থেংনবা চৎপগী থাক্তুদা শিবা চংবগী খোংফমদা থম্মোয় শেংনা মনিপুরগী দমক কৎথোকপা খোঙচৎ অমা ওইহনগদবনি হায়না মহাক্না মখা তাখি।
বিল অসি রাজ্য বিধান সভানা পাস তৌদুনা রাজ্যপালদা থাখিবা অমসুং রাজ্যপালদগী অমুক রাস্ট্রপতিদা থাখিবা থা ৮ হেল্লফাওবদা মনিপুর সরকার অমসুং মনিপুরগী রাজনিতি দলশিংনা হোই-মাই হায়দনা তুমিন্না লৈশিল্লম্বা অসি লাইবক থিবনি হায়না শ্রী রতননা হায়খি। মীয়ামগী ইহৌ লাক্লগতা থবক তৌগনি হায়বা তৌশিন্নবা সরকারগী অমসুং রাজনিতিৱালাশিংগী ৱাখল্লোন অদু মনিপুরগী মীয়ামনা য়াবা ঙমলোই হায়বা ৱাফম মহাক্না তাখি হায়রি।
মথং থাদা পাঙথোক্কদৌরিবা ইম্ফাল মিউনিসিপাল কোরপোরেসনগী মনুং চনবা ৱার্দশিংগী ইলেক্তোরেল রোল য়েংলুবদা মীতোপনা মশিং হেনবা ৱার্দ কয়ামরুম থেংনরে। জে,সি,আই,এল,পি,এস না মীয়ামগা পুন্না খন্নদুনা ৱারেপ লৌরবা মতুংদা ইম্ফাল মিউনিসিপাল কোরপোরেসনগী ৱার্দশিংগী ভোটর লিস্টতগী মীতোপ খন্দোক্নবা, মখোয়বু মীরেপ ওইবা অমসুং মীখল থেংনবা য়াহন্দনবা সরকারদা দাবী তৌখ্রে হায়রি।
----------------------------------------------------
এন্দ্রোইদ মনিপুরী মোবাইল এপ্স
For News update in Manipuri
Download Android Apps >>> http://bit.do/lakhipuronline-apk