Lakhipuronline | Complete platform for North-east India

First regional News blog of North East India, breaking news in English and Manipuri. Updates about Barak Valley...

  || BREAKING NEWS ||   ####অৱাং নোংপোক লমদম চাউখৎনবগী দমক দোনর মন্ট্রানালোয়না লুপা কোতি ৩০০০ চংগদবা প্রোজেক্ট ২০০ পায়খৎপগী অয়াবা পীখ্রে। #### কাজিরঙ্গা নেসনেল পার্কতা লোন্না গণ্ডার হাৎপগী মরালদা মীওই ৫ ফাখ্রে। #### রাশিয়াদা চৎথরিবা ৱার্লদ মেন্স বোক্সিং চেম্পিয়নসিপকী ফাইনেলগী কেজি ৫২গী ফাইনেলদা ভারতকী অমীত পংঘালগা উজবেকিস্টানগী ওলিম্পিক চেম্পিয়ন সাখোবেদিন জোইরোভকা থিঙ্গাইনরগনি। #### ####

May 27, 2016

শিলচর – জিরিবাম, শিলচর – ভৈরবী (মিজোরাম) ব্রোদগেজ রেলগারী ঙসি প্রধান মন্ত্রিনা লমথাখ্রে।

ফোতো কর্টসিঃ রোমিও
শিলচর – জিরিবাম (মনিপুর), শিলচর – ভৈরবী (মিজোরাম) চেনগদবা রেলগারী ঙসি (২৭/০৫/২০১৬) প্রধান মন্ত্রি নরেন্দ্র মোদিনা লমথাখ্রে। অৱাং-নোংপোক পরিষদকী ৬৫শুবা অধিবেসনগী লোইশিন থৌরমদা শরুক য়াবা লাকখিবা প্রধান মন্ত্রিনা শিল্লোংদগী রিমোটকী খুত্থাংদা লমথাবগী থৌরম পাঙথোকখি। ৫৫৬৬৬ নম্বর জিরিবাম –শিলচর রেলগারী অদু ঙসি নুংথিল পুং ৪ মি ২২ দা জিরিবাম রেল স্টেসনদগী লমথাখি। সন্ধ্যা মতুং পুং ৭ হেক তাবদা শিলচরদা থুংলখি। ৫৫৬৬৫ শিলচর-জিরিবাম রেলগারীনা নুমিৎ খুদিংগী শিলচরদগী অয়ুক্কী পুং ৮ মি ৪৫ দা থারক্লগা জিরিবামদা অয়ুক পুং ১১ দা থুংলগনি। অদুগা ৫৫৬৬৬ জিরিবাম-শিলচর রেলগারীনা জিরিবামদগী অয়ুক পুং ১১ মি ৪৫ দা অমুক শিলচর পাঙখিগনি। জিরিবামদগী শিলচর ফাওবগী মনুংদা স্টোপেজ তরেৎ লৈগনি। লেপফমশিং অদুদি জিরিঘাট, কামরঙ্গা, শ্রীবার, রাণীগাঁও, মোইনারবোন্দ, নিউ শিলচর অমসুং অরুনাচলনি। ভারানা লুপা ১৫ (তরামঙা) নি। জিরিবামদা পাঙথোকখিবা ঙসি লমথাবগী থৌরমদা এমপি ডাঃ থোকচোম মৈন্য, এমপি শ্রী থাংসো বাইতে, এনএফ রেলৱেগী অজিত পণ্ডিত অমসুং ইঞ্জিনিয়ার রবিন্দ্র রাম নচিংবা মরুওইবা মীওইশিংনা শরুক য়াখি। অসোমদা শিলচর – ভৈরবী রেলগারী ঙসি লমথারকপদা হাইলাকান্দি অমসুং কাটাখাল রেল স্টেসনদা মীওই লিশিং মঙা রোমনা রেল গারী অসিবু তরাম্না ওকখি। রেলগারী অসি মিজোরামগী ভৈরবীদগী নুমিৎ খুদিংগী অয়ুক পুং ৫ মি ৩০ দা থারক্লগা অয়ুক পুং ৯ মি ৪০ দা শিলচরদা থুংলগনি।
--------------------------------------
For Mobile News update in Manipuri
Download Android Apps >>> http://bit.do/lakhipuronline-apk