Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   মণিপুর মোব ভাইওলেন্স কন্ট্রোল এন্দ প্রোহিবিসন বিল অসি অথুবা মতমদা পাস তৌদুনা এক্ট ওন্থোক্নবা হোৎনগনিঃ ৱাক্স মন্ত্রী থোঙাম বিশ্বজিৎ |||| মনিপুর ইউনিভার্সিতিগী ভাইস চেঞ্ছেলর প্রোফেসার এপি পান্দে থবক্তগী সস্পেন্দ তৌখ্রে। |||| শিলচর মিউনিসিপালগী মনুং চনবদা লৈবা লম্বী অমা সুবেদার খেলেন্দ্র রোড হায়না মীংথোনখ্রে। |||| মনিপুরী সেদ্যুল ট্রাইব দিমান্দ কমিতি অসামনা শিল্লাংদুনা মীতৈবু সেদ্যুল ট্রাইব লীস্টা চনগদবনি হায়বগী হীরমদা সেপ্তেম্বরগী তাং ২৩ শিলচর গান্ধি ভবনদা খন্ননৈনবগী থৌরম অমা পাঙথোক্লগনি। |||| মণিপুরগী চাকহাও উত্তরপ্রদেসতা থারগনি, গুৱাহাটিতনা চাকহাওনা য়ু শুংলগনি।

May 20, 2016

আসাম বিধান সভাগী মীখলদা বিজেপি অমসুং চুংশিন্নবা দলনা চাওনা মায় পাকলে।

লখিপুরওনলাইন নিউজ দেস্ক - ১৯/০৫/২০১৬

সিট ১২৬ লৈবা আসাম বিধান সভাগী মীখলদা বিজেপি অমসুং মসিগা চুংশিন্নবা দলনা চাওনা মায় পাকলে। বিজেপি ৬০, এজিপি ১৪ অমসুং বিপিএফ কী ১২ গা লোয়ননা পুন্না সিট ৮৬ ফংলে। অসোমদা কংগ্রেস ২৬, এআইয়ুদিএফ ১৩ অমসুং অতৈনা সিট ১  ফংলে।
ঙসি মায়পাক্লবা মরুওইবা মীরেপশিংগী মনুংদা বিজেপীগী রাজ্য সভাপতি সর্বানন্দ সোনোৱাল, ডাঃ হিমন্ত বিশ্ব শর্মা, প্রসান্ত ফুকোন, সিদ্ধার্থ ভট্টাচায্য । এজিপি দোলগী বৃন্দাবন গোস্বামী, প্রফুল্ল কুমার মহন্ত, কেশব মহন্ত, অতুল বোরা, রামেন্দ্র নারায়ন কলিতা। বিপিএফকী প্রমিলা রাণী ব্রহ্ম, চন্দন ব্রহ্ম, কংগ্রেস দোলগী মুখ্যমন্ত্রী তরুন গোগোই, লৌউ শিংউ মন্ত্রী রকীবুল হুসেন, অজন্তা নেওগ অমসুং ৱাজেদ আলী চৌধুরী য়াওরি।
মায়থিহৌরবা মরুওইবা মীওইশিংগী মনুংদা এআইয়ুডিএফকী বদরুদ্দিন আজমল, মহৈ মশিং মন্ত্রী শরৎ বরকটকী, ঙায়োকশঙগী মন্ত্রী বসন্ত দাস, প্রনতি ফুকন, গৌতম রায়, নীলমনি সেন ডেকা, পবন সিং ঘাটোৱার অমসুং অকন বোরা পনবা য়াই।
বরাক তম্পাক্কী মায় পাক্লবা মরুওইবা মীওইশিংদি শিলচরগী এমএলএ দিলীপ পাল, লক্ষীপুরগী এমএলএ রাজদীপ গোৱালা, কমলক্ষ দে পুরকাস্থ, জামাল উদ্দিন অহমেদ, কৃপানাথ মালাহ অমসুং পরিমোল শুক্লবৈদ্যগী মীং পনবা য়াই। তম্পাক অসিগী মায়থিহৌরবা মরুওইবা রাজ্য মন্ত্রী মরী অদুদি মন্ত্রী গৌতম রায়, অজিৎ সিং, গিরীন্দ্র মল্লিক অমসুং সিদ্দেক অহমেদ। রাজ্যগী সেক্রেটরী মনিলাল গোৱালা, ডাঃ রুমী নাথ। হৌজিক হৌজিক এমএলএ ওইরিবা এনামুল হোক, আটাউর রহমান মাঝারভুইয়া, এমএলএ ওইরম্বা রাহুল রায়, মীশন রঞ্জন দাস, বিথীকা দেব, আনুৱার হুসেন লস্কর অমসুং মন্ত্রী ওইরম্বা মিসবাউল ইসলাম লস্কর সু মায়থিহৌরে।
বরাক তম্পাক্কী সিট ১৫গী কাছার জিলাগী সিট ৭কী মনুংদা সিট ৬ বিজেপিনা অদুগা ১ না কংগ্রেসনা মায় পাকলে। করিমগঞ্জ জিলাগী সিট ৫ গী মনুদা ২ বিজেপি, ২ কংগ্রেস ২ অমসুং ১ না এআইয়ুদিএফ না মায় পাকলে। সিট ৩ লৈবা হাইলাকান্দি জিলাদা সিট অহুম্মক এআইয়ুদিএফনা মায়পাকলে।
------------------------------
For News update in Manipuri
Download Android Apps >>> http://bit.do/lakhipuronline-apk
--------------------------------------------------------------