Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   মণিপুর মোব ভাইওলেন্স কন্ট্রোল এন্দ প্রোহিবিসন বিল অসি অথুবা মতমদা পাস তৌদুনা এক্ট ওন্থোক্নবা হোৎনগনিঃ ৱাক্স মন্ত্রী থোঙাম বিশ্বজিৎ |||| মনিপুর ইউনিভার্সিতিগী ভাইস চেঞ্ছেলর প্রোফেসার এপি পান্দে থবক্তগী সস্পেন্দ তৌখ্রে। |||| শিলচর মিউনিসিপালগী মনুং চনবদা লৈবা লম্বী অমা সুবেদার খেলেন্দ্র রোড হায়না মীংথোনখ্রে। |||| মনিপুরী সেদ্যুল ট্রাইব দিমান্দ কমিতি অসামনা শিল্লাংদুনা মীতৈবু সেদ্যুল ট্রাইব লীস্টা চনগদবনি হায়বগী হীরমদা সেপ্তেম্বরগী তাং ২৩ শিলচর গান্ধি ভবনদা খন্ননৈনবগী থৌরম অমা পাঙথোক্লগনি। |||| মণিপুরগী চাকহাও উত্তরপ্রদেসতা থারগনি, গুৱাহাটিতনা চাকহাওনা য়ু শুংলগনি।

May 10, 2016

সিভিস সার্ভিস একজামিনেসন, ২০১৫ গী ফল লাউথোকলে, মনিপুরদগী ৭, আসামদগী ৭ য়াওরে।

ইউনিয়ন পব্লিক সার্ভিস কমিসন্না লৌবা সিভিস সার্ভিস একজামিনেসন, ২০১৫ গী ফল ঙসি (১০/০৫/২০১৬) লাউথোকখ্রে। দিল্লীগী টিনা ডাবী (চহী ২২) না অহানবা রেঙ্কতা অদুগা জম্মু কাশ্মীরগী আথর আমির ঊলসাফি খান না অনিশুবা রেঙ্কতা অমসুং দিল্লিগী জসমিট সিং সান্ধু না ৩শুবা রেঙ্কতা মাইপাকলে।
কমিসন্না পুন্না কেন্দিদেট ১০৭৮ তোঙান তোঙানবা ফমশিংগী দমক রিকমেন্দ তৌখ্রে। মখোয়গী মনুংদা ১৮না আই এ এস, ৪৫ না আই এফ এস, ১৫০ না আই পি এস, সেন্ট্রেল সার্ভিসেস গ্রুপ (এ)গী ওইনা ৭২৮ অদুগা গ্রুপ (বি) সার্ভিসশিংগী ওইনা ৬১ নি। মসিগী মথক্তা কেন্দিদেট ১৭২গী মীং ৱেটিং লিস্টা লৈরি।
ঙসি লাউথোকখিবা ফলদা মনিপুরদগী মীওই ৭ য়াওরে। মখোয় অদুদি ২৪শুবা রেঙ্কতা খুমন্থেম দাইনা দেবী (ফিজিক্স টোপ্পর দিল্লী ইউনিভার্সিটি)(অপোকপা খুমন্থেম চন্দ্রমনি সিংহ ডিরেক্তর মনিপুর ফায়ার সার্ভিস), রেঙ্ক ১৬৭ তা এস অস্কর আলি, রেঙ্ক ৫৪০ দা ক্রিতিদাস থোকচোম, রেঙ্ক ৬৮৬ তা হরিদাশ রাজকুমার, ৭৫২দা ক্ষেত্রিময়ুম শিবাকান্ত সিংহ , রেঙ্ক ৯১৫ দা এম থাংশৌসাং জৌ অমসুং  রেঙ্ক ১০১৮দা এলভিনা লালমুৱানপুই লৈভোন নি।
দাইনা খুমন্থেম ২০০৭তা বোসেমনা লৌবা ঐইএসএলসি চাংয়েংদা মকোক ওইখিবনি। ইং ২০১২দা দিল্লি ইউনিভার্সিটিনা লৌবা বিএসসি চাংয়েংদা ফিজিক্সতা মকোক ওইখি। ইউনিভার্সিটি অসিমক্কী ইং ২০১৪ গী এমএসসি চাংয়েংদা অমুকসু ফিজিক্সতা মকোক ওইবা ঙমখি। অসিতা নত্তনা হৌখিবা চহিদা পাঙথোকখিবা ইউপিএসসিনা লৌবা ইন্দিয়ান ফোরেস্ট সার্ভিস (আইএফএস) চাংয়েংদসু মায়পাকলকখ্রবী কেন্দিদেটনি। ইম্ফাল ৱেস্টকী মনুং চনবা শীংজমৈ তোপ থোঙাম লৈকায়দগী হৌজিক মনিপুর পুলিসকী আইজি ওইরিবা খুমন্থেম চন্দ্রমণি সিংহ অমসুং ইবেয়াইমা দেবীগী মচানুপীনি।
আসামগী ওইনা কেন্দিদেট তরেৎ মাইপাকলে। মখোয়শিং অদুদি নগাঁওগী পদ্মনাভ বরুৱা (রেঙ্ক ১৯৮), সাগরিকা নাথ (১৯৯), শুভ্রজ্যোতি বরুৱা (৫৫৭), গুৱাহাতিগী বিদিশা (২১০), পূর্ণ বরুৱা (৪৬৬), জ্যোর্তির্মোয় বেইলাং (৭৮৬), অমসুং মামণি দোলে (১০০৫) নি।
-----------------------------------------------------
এন্দ্রোইদ মনিপুরী মোবাইল এপ্স
For News update in Manipuri
Download Android Apps >>> http://bit.do/lakhipuronline-apk