Lakhipuronline | Complete platform for North-east India

First regional News blog of North East India, breaking news in English and Manipuri. Updates about Barak Valley...

  || BREAKING NEWS ||   #### প্রধান মন্ত্রী নরেন্দ্র মোদি লাকলিবা মার্চকী তাং ৩০ বিজেপীগী ভোত খোম্নবা আসাম খোঙচৎতা লাক্লগনি। #### লোকসভা মীখলগী অনিশুবা তাঙ্কক্কী ভোত থাদবা এপ্রিল ১৮ দা পাঙথোক্কনি অদুগা অহুমশুবা তাঙ্কক্কী ওইনা এপ্রিলগী তাং ২৩দা ভোত থাদনগনি। #### অনিশুবা তাঙ্কক্কী মীখলগী মীরেপ চে পীশিনবগী অরোইবা মতম মার্চকী তাং ২৬নি। #### তাঙ্কক অসিদা মীখল পাঙথোক্কদৌরিবা আসামগী মফমশিংদি শিলচর, করিমগঞ্জ, ডিফু, মঙ্গলদৈ অমসুং নগাঁও নি। অহুমশুবা তাঙ্কক্কী ওইনা এপ্রিলগী ২৩ দা ধুবরী, কোকরাঝার, বোরপেতা গুৱাহাতি দা মীখল পাঙথোক্কনি। #### মে থাগী তাং ২৩ দা ভোত মশিং থীগনি। #### আসাম একোর্দ থবক্তা ওন্থোকপা অমসুং য়েলহৌমীশিং ঙাকপী শেনবীবা হায়ব ৱাফম অসিদা দোল অসিনা মপুঙ ওইবা মীৎয়েং থমগনি হায়না বিজেপি গী মপাঙ দোল ওইনা চৎমিন্নগদৌরিবা এজিপিনা ফোঙদোকখ্রে। ####

June 01, 2015

"মেগী" গী মথক্তা কেন্দ্রগী মীত্য়েং, "মেগী" থীংজিনবা য়ানা লৈরে ?

লখিপুর-ওনলাইন্ ডিদিটেল ডেস্কঃ  "মেগী" গী মতাংদা য়েংশিন্নবা কেন্দ্রগী সরকারনা খোঙজঙ চঙশিনগদৌরি। মিনিট অনিগী হায়রিবা নুডল্স অসিগী সেম্পল চাংয়েং তৌননবা লেবোরেটোরিদা থাখ্রে। চাংয়েংগী মতুংদা করিগুম্বা আইন কায়না হাপচিনবা পোত্চঙ চৈচঙ য়াওরম্লবদি মমিং লৈরবা নেস্টলে ইন্ডিয়াগী মথক্তা থবক চত্থরগনি হায়রি। ফুদ সেফ্টি এন্দ স্টেন্দার্দ ওথোরিটিগী মফমদা হীরমসিগী মতাংদা কুপ্না য়েংশিন্নবা কেন্দ্র সরকারনা য়াথং তৌখ্রে। পনবা য়াই চান-থক্নবা পোত্লমশিং য়েংশিল্লিবা ফুদ সেফটি এন্দ ড্রাগ এদ্মিনিস্ট্রেসন্না মমাং থাবদা "মেগী" গী সেম্পলদা য়াওফম থোকপা চাংদগী হেন্না মহাও হেন্না চেলহন্নবা হাপ্পা পোত্শক মোনোসোডিয়াম গ্লুটামেট য়াওরম্বা থেংনখিবা লৈখরে। মসিগী মতাংদা হৌখিবা মে থাগী তাং ২৯ ইরাই নুমিত্তা নেস্টলে ইন্ডিয়া গী মথক্তা উত্তর প্রদেশ রাজ্যগী ফুদ সেফটি এন্দ ড্রাগ এদ্মিনিস্ট্রেসন্না কেস অমা থাঙ্গত্খি। "মেগী" বু মীয়ামদা পুক্নিং চীংশিনহন্নবা এদ্ভারটাইজ্ তৌরিবা অমিতাব বচ্চন, মাধুরী দীক্ষিট অমসুং প্রীটি জিন্টাগী মথক্তসু থবক লৌখত্লবা য়ানা লৈরে হায়রি।

No comments:

Post a Comment

Comments ...