Film Dialogues

- লখিপুর ডাইরি, ফেব্রুৱারী ১৯, ২০১২ -

হয়েং  ফেব্রুৱারী ১৯, ২০১২ নিংথৌকাবা নুমিৎ তোঙান তোঙানবা মফমদা পাঙথোক্নবগুম লখিপুর খুমন্দসু মহা শিবরাত্রি নুমিৎকা মরী লৈননা চীংঙু মহাদেব খুরমজবগী থৌরম পাঙথোক্কদৌরি। হয়েং অয়ুক পুং ৭তগী হৌরদুনা চীংঙু মহাদেব ঈরাৎ পূজা হৌগনি, অয়ুক পুং ১০-৩০ দা আরতী কৎপা, অয়ুক পুং ১১-৩০ দা লাইদা কৎপা অচা-অথক ফংমিন্নগনি। অদুগা নুংথিল পুং ২ তাবদা লাইথোং অমুক হাংগনি অমসুং নুমিদাং ফাওবা লাই খুরম্বগী থৌরম চৎথগনি।
-----------------------------------------------------------------------------------
হন্দক্তা লখিপুরগী অখন্নবা মীহুৎ খরনা লখিপুর মহকুমাগী এস দি ও (সিভিল) অমসুং লখিপুর মিউনিসিপাল বোর্দকী চেয়ারমেনগা উন্নদুনা তোঙান তোঙানবা চেরোল অমমম পীবগা লোয়ননা সাব-দিবিজন অসিগী চাওখৎ থৌরম কয়াগী মতাংদা খন্নখ্রে। মরুওইনা লখিপুর কৈথেলগী শোরোক ময়াদা খামদুনা লৈরিবা সুমো, ক্রুইজার, মেজিক নচিংবা গাড়ীশিং লখিপুর বাস স্টেন্দা খামহনবা অমসুং বাস স্টেন্দ অসিদগী গাড়ী থানবগী থৌরাং তৌবা, লক্ষীপুর কৈথেলগী শক্তম ফগৎহন্দুনা পোৎফম ফম্বী ইমা-ইবেনশিংবু মফম চানা ফমহন্দুনা লম্বী চৎথোক-চৎশিনদা অপনবা পীদনবা থৌরাং তৌবা, কৈথেল নুমিৎতা সুমো, ক্রুইজার, মেজিক নচিংবা গাড়ীশিংনা মরম ওইরদুনা লম্বী চৎথোক-চৎশিনদা অপনবা ওইহন্দনবা হোৎনবা অসিনচিংবা কয়াগী মতাংদা ৱারী শান্নখ্রে। অমরোমদা লখিপুর সিটিজেন রাইটস ফোরামনা লখিপুর মহকুমাগী হেদক্বাটর অথুবা মতমদা শাবিনবা অমসুং সাব-দিবিজন অসি অপগ্রেদ তৌখিবা চহী ২০ ফারব ফাওবা চাওখৎ থৌরাংদা খোংজেল য়াম্না তপ্পগী মতাংদা লাক্লিবা ফেব্রুৱারীগী তাং ২৮ লৈবাকপোকপা নুমিৎতা মীয়ামগী ওইবা খোংচৎ অমা পুথোক্কনি হায়না লূপকী জেনরেল সেক্রেটরীনা ফোংদোকখ্রে। লোয়ননা লাক্লিবা এপ্রিল তাং ১ দা লখিপুরবু মহকুমা অমা ওইনা শেমখিবা নুমিৎতা অমুবা মচুগী বেজ থেৎতুনা পেন্দবা ফোঙদোক্কনি হায়রি। পনবা য়াই, ১৯৯২গী এপ্রিল তাং ১ দা লখিপুর মহকুমা অমা ওইখি।
----------------------------------------------------------------------------------
লখিপুর খুমন ময়ায় লৈকায়iগী হুইরেম ব্রজেশ্বরী দেবী, হৌখিবা ফেব্রুৱারী তাং ১৬ শগোলশেন নুমিৎতা লৈখিদ্রে। লৈখিদবা মতমদা মশাগী চহী ৬৮ শুখ্রে। হুইরেম ব্রজেশ্বরী দেবীনা লৈখিদবদা লখিপুর খুমন ক্লাব অমসুং লখিপুর খুমন মৈরাপায়বী  লূপনা অৱাবা ফোংদোকখ্রে অমসুং লৈখিদ্রবীগী থৱায় মীরেলবু লাইরমলেন্দা ইংনা থম্বীনবা তাইবঙ মপুদা নীজখ্রে।
------------------------------------------------------------------------------------
সিঙ্গেরবন্দ ময়াই লৈকায়গী য়েংখোম মধুচন্দ্র সিংহনা মনুং মতম চাদনা লৈখিদবদা সিঙ্গেরবন্দ দেবেলপমেন্ট এসোসিয়েসন অমসুং লখিপুর সিটিজেন্স রাইটস ফোরাম্না অৱাবা ফোংদোকখ্রে। য়েংখোম মধুচন্দ্র, গুৱাহাটিদা লৈবা দীফ এন্দ দাম স্কুলদা মতম শাংনা ওজা ওইদুনা লৈরকপনি। গৌহাটিদগী যোরহাট চৎপগী লম্বীদা থোকপা খুদোং থীবা থৌদোক অমদা মহাক লৈখিদবনি। লৈখিদবা মতমদা মশাগী চহী ৫৯ শুখ্রে।

No comments:

Post a Comment

Your comment... Lakhipuronline