Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   নভেম্বরগী ২১দগী নুমিৎ তরানি চুপ্না ইম্ফালগী তোঙান তোঙানবা মপম অহুমদা মনিপুর সঙাই ফেস্টিবেল পাঙথোক্লগনি। ।।।।।। লোকসভাগী নিংথম মীফম দিসেম্বরগী তাং ১১দগী হৌরগনি। ।।।।।। আসাম সিভিল সার্ভিস পরিক্ষাদা হাইলাকান্দিগী মারিয়া তানিম না খ্বাইগী মকোক থোংলে অদুগা শিলচরগী কৈশাম ঈশান সিংহ তরেৎসুবা পোজিসনদা মায়পাকলকলে। ।।।।।।। এমসি মেরি কোম য়াওনা ভারতকী নুপী বোক্সর মরি নিউদিল্লিদা শান্নরিবা ৱুমেন্স ৱার্লদ বোক্সিং চেম্পিয়নশিপকী ক্বাটর ফাইনেলদা খোঙথাংজিনখ্রে।

December 06, 2011

ইপুথৌ থোংনাংগী অনৌবা লাইশঙ শঙ্গাবা অমসুং লাই হরাওবগী থৌরম

ইপুথৌ থোংনাংগী অনৌবা লাইশঙ
হয়েং দিসেম্বরগী তাং ৭ য়ুমশাকৈসা নুমিৎ ইপুথৌ থোংনাংগী অনৌবা লাইশঙ শঙ্গাবগী থৌরম অমসুং লাই হরাওবগী থৌরম পরেং হয়েংদগী চৎথবা হৌরগনি। থৌরম পরেংগী মতুং ইন্না অয়ুক পুং ৭ মিঃ ৪৫ অমাইবা অমাইবীনা ইপুথৌগী অনৌবা কিয়োং হোংলবা মতুংদা ইবুধৌ ইবেন্ধৌ অনিমক অনৌবা ফম্বালদা লৈতেংবীগনি।
অয়ুক পুং ৮ তাবদা পেনাগী থৌগলগা লোয়ননা লাইশেল্লুংবা ইবুঙো মশাগী শঙ্গায়দগী লৌরুগনি। কোকথোক চামথোকপা অমদি হৌনবী থৌরমগা লোয়ননা লাইশেল্লুংবা হাপ্পগী থৌরম পাঙথোক্কনি। থৌরম অসিগী তুংদা ঈরাৎ থৌনি অমদি লাই হরাওবগী ৱাঙুলোন মথং মথং চৎথগনি। নুমিৎসিগী মথংগী থৌরমশিংদা অয়ুক পুং ১০ মখায় তাবদা হান্নগী মন্ত্রী লক্ষীপুরগী এম এল এ শ্রী দীনেস প্রসাদ গোৱালানা অথোইবা মীথুংলেন, পোৎথারবা পুলিস সুপারিন্টেন্দেন্ট পোৎশম্বম সোনামনিনা শক্নাইরবা মীতুংলেন অমসুং লক্ষীপুর মিউনিসিপাল বোর্দকী ভাইস চেয়ারমেন লোয়ননা ইপুথৌ থোংনাং থৌগনলুপকী প্রেসিদেন্ট লৈশুংবম রোবীন্দ্রনা মীফম মপু ওইদুনা অনৌবা লাইশঙ শঙ্গাবগী হৌনবী থৌরম পাঙথোক্কনি। অয়ুক পুং ১১ মখায়দা ময়াম পুন্না লুকলেন ফংমিন্নরবা মতুং নুংথিল পুং ৩ মখায় তাবদা জৱাহরলাল নেহেরু মনিপুর ডান্স একাদেমী ইম্ফালগী লাকপা মীওইশিংনা মখল মথেলগী জগোই ঈসৈ খুদোল তম্বিবগা লোয়ননা অহানবা নুমিৎকী থৌরম লোয়শিনগনি। মথংগী নুমিৎ হিয়াংগৈ ১৩ নি পানবা ডিসেম্বর ৮, শগোলশেন নুমিৎ নুংথিল পুং ৪ তাবদা লাই হরাওবগী “ঈকৌবা” থৌরম অমাইবা অমাইবীশিংনা লক্ষীপুর কৈথেলগী হীরানফমদা পাংথোক্কনি লোয়ননা নুমিৎ ৯নি চুপ্না চত্থগদবা ইপুথৌ থোংনাং হরাওবগী থৌরম পরেং পাংথোক্কদৌরি।

1 comment:

  1. মসি য়াম্না নুঙাইবা পাউনি। পাউ অসিনা ঐঙোন্দা লক্ষিপুরগী লক্ষিপ্যারি ইবা অইবা (মমিং কাউরে) লৈখিদবদু নীংশিংহল্লি।

    -হোদাম্বা

    ReplyDelete

Comments ...