Lakhipuronline

Northeast India s first bilingual News blog, get breaking news in English and Manipuri. Updates about Barak Valley...

  || BREAKING NEWS ||   ইন্দোনেসিয়াগী জাকার্তাদা পাঙথোক্কদবা ১৮শুবা এসিয়ান গেমসতা কাছার তোলেনখুনদগী থৌদাম কবিতা দেবী ভারতকী ফেন্সিং তীমদা শরুক য়াগদৌরি। ** ** ** মনিপুর য়ুনিভার্সিটিগী ভাইস চেন্সেলার এপি পাণ্ডে মফম লৌথোক্কদবনি হায়বা দাবি তৌরদুনা মনিপুর য়ুনিভার্সিটি স্টুদেন্টস্ য়ুনিয়ননা জুলাই ১৭ অমসুং ১৮গী লোন্নবা অহিং নোংয়াইদগী কৌখিবা পুং ৪৮গী জেনরেল স্ট্রাইকনা মহৌশাগী পুন্সিদা চাওনা অকায়বা পীরে।

August 07, 2011

মহৈ মশিংগী লমদা অওনবা পুরকপগী পান্দমদা মহৈরোই শিংনা মখোয়গী ৱাকৎ চুমদ্রিং মন্ত্রীগী নাকোং য়ৌহনগদৌরি।

লক্ষীপুর ওনলাইন, আগস্ট ৭, ২০১১ - রাজ্য অসিগী মহৈ মশিংগী বিভাগনা শেমদোক শেমজিন কয়া মথং মথং তৌরকপগা লোয়ননা হন্দকতা অমুকসু রাজ্যগী মহৈ মশিংগী মন্ত্রী শ্রী হিমন্তবিশ্ব শর্মানা অনৌবা নীওম খরা চৎনহন্নবা খঙহনখ্রে। হন্দকতগী হৌনা মহৈরোয়শিংনা করিগুম্বা মখলগী ইহৌ তৌবা য়ারোইদৌরি। অসিতা নত্তনা মথং চহীদগী হৌরগা মেত্রিক পরিক্ষাদা চাদা ৩০দগী তানা পাস তৌরকপা স্কুলশিংগী মথক্তা অকনবা থবক লৌখৎপগা লোয়ননা হায়রিবা স্কুল অদুগী অজা মকোকসু থবকতগী লৌথোকপগী ৱাফম য়াওরি। অসিতা নত্তনা স্কুলগী ওজাশিংনা ওজা ওইবদগী হেন্দোক্তুনা রাজনীতিদা হকথেংননা য়াওবা, পাউ-চেগা মরী লৈননা থবক তৌবা, এল আই সি গী এজেন্ট ওইবা খুদিংমক সেপ্তেম্বর তাং ১ দগী তোক্নবা খঙহনখ্রে। অসিগুম্বা ওজাগী মথক্তা অকনবা থবক লৌখৎলগনিসু হায়রি।
অতোপ্পা ৱাফম অমদা হন্দক্তগী হৌনা কনাগুম্বা লনাই মীওইশিং অমসুং সংস্থানশিংনা প্রাইভেট স্কুল লিংখৎপদসু অথিংবা থমখ্রে।
অসোমদা মহৈ মশিংগী লমদা ইনৌ নৌনা অওনবা পুরকপগী পান্দমদা মশিং অহুমগী ওইবা টোল ফ্রি নম্বর মহৈরোই শিংদা পীগদৌরি। মসিনা শেল তীংদনা মহৈরোইশিংনা হায়রিবা শুপ্নতগী নম্বর অহুম অদুদা মেৎতুনা ফোন তৌরগা মখোয়গী পেন্দবা, ৱাকৎশিং চুমদ্রিং মহৈ মশিংগী মন্ত্রীগী নাকোং য়ৌহনগদৌরিবনি। মওং অসি চহী অসিগী ওক্টোবর থাদগী হৌনা চৎনবা হৌগনি হায়না মহৈ মশিংগী মন্ত্রী শ্রী হিমন্তবিশ্ব শর্মানা ফোংদোকখি।

No comments:

Post a Comment

Comments ...