Film Dialogues

মঙালগী মীহাৎতা মরুওইনা চেন্নবা মীশকনি হায়বা নুপা শিলচরদগী ফারে।

লক্ষীপুর ওনলাইন, আগস্ট ৭, ২০১১ - জিরিবাম নিংথেম খুনৌগী অয়েকপম মঙালগী মীহাৎতা মরুওইনা চেন্নবা মীশকনি হায়বা নুপা অমা ঙরাং থাংজা নুমিত্তা শিলচরদগী ফারে। ফারবা মীওই অদুগী মীং মুজিবুর রহমান কৌই, ময়ুম জিরিবামদনি।
শিলচর মাসিমপুর লম্বীদা লৈবা চাগী দুকান অমদগী মহাকপু লৈকায়গী মীয়ামনা ফারগা পুলিসতা পাউ পীরবা মতুংদা জিরিবামদা পুরকপনি হায়রি। মীহাৎসিগী মতাংদা মুজিবুরনা মহাক্কী মরাল মসানা য়াজরে হায়রি। পাউগী লিখুন অসিগী মতুং ইন্না মীহাৎসিদা চেন্নবা মীওইশিংগী য়ুম খরসু মৈ থাখ্রে।
পনবা য়াই, শেন্দোয় খোম্বা চৎখিবনি হায়বা জিরিবাম নিংথেম খুনৌদগী মশাগী চহী ২৯ রোম শুরবা অয়েকপম মঙাল নুমিৎ মাপলনি থীংবা ফংলুদ্রবা মতুংদা হৌখিবা জুলাইগী তাং ৩১ দা রোশিৎপুর মনাক্কী ইশিং খোঙ ময়াদা হাত্তোক্লগা ফুমজিন্দুনা থম্লম্বা থেংনখিবনি হায়রি। ক্লাবগী ভোলুন্টিয়ারশিংগা লোয়ননা চীংন-চীংনবা মফমশিংদা থিবা হুমবা চৎথবদা হকচাং অদু নুংজাওনা নল্লগা ফুমজিন্দুনা থমলম্বনি হায়রি।
অশেংবা মীহাৎপা পুথোরক্লবনিনা জিরিঘাট অমসুং জিরিবামদা লৈরিবা উংখৎনবগী শক্তম খরদি ফরগনি হায়রি।

No comments:

Post a Comment

Your comment... Lakhipuronline