- লোংজম দোরেন্দ্র
আসাম বিধান সভাগী মীখলদা তরুন গোগোইনা লুচিংবা কংগ্রেস সরকারনা অহুম্লক শুবা ওইনা মায়পাকখ্রে। সীট ১২৬ লৈবা এসেম্বলী অসিদা কংগ্রেসনা সীট ৭৮, এজিপীনা ১০, এ আই ইউ দি এফ না সীট ১৮, বিজেপীনা সীট ৫, বোরোলেন্দ পীপলস্ ফ্রোন্টনা সীট ১২, ওল ইন্দিয়া ট্রিনামুল কংগ্রেসনা সিট ১ অদুগা অতৈনা সীট ২ ফংদুনা মায়পাকখ্রে।
বরাক তম্পাক্কী ওইনদি অপুনবা সীট ১৫দা সীট ১৩দি কংগ্রেসনা হুমদুনা পুখ্রে। হৌখিবা ২০০৬কী মীখলদা কংগ্রেসকী মমিফাওবা উরমদবা করিমগঞ্জতা হন্দক কন্সিটটুয়েন্সি অসিগী অৱাং করিমগঞ্জ, খা করিমগঞ্জ, বদরপুর, পাথারকান্দি অমসুং রাতাবারীগী সীট ৫ মক লোয়না কংগ্রেসনা মায় পাকলে। কাছার জিলাদসু অসিমঙাই জিলা অসিগী কন্সিটটুয়েন্সি ৭ তা কাটিগোরা নত্তনা অতৈ সীট ৬ শিলচর, সোনাই, ধোলাই, উধারবন্দ, লক্ষীপুর অমসুং বরখোলাদা শিৎশিৎনা কংগ্রেসনা মায়পাকখি। অসোমদা হাইলাকান্দি জিলাগী সীট অহুমদা সীট ২ কংগ্রেসকী খাউদা চংখি। জিলা অসিগী আলগাপুর কন্সটিটুয়েন্সিদা মন্ত্রী শ্রী গৌতম রাইগী মচানিপা রাহুল রায় হন্দকতি এজিপীগী মীরেপ সহিদুল আলম চৌধুরীগী মখুত্তা মাইথীখি। হন্দক্কী মীখলদা মায়থীহৌরবা মরুওইবা মীওই খরদি বিজেপীগী মীসন রঞ্জন দাস অমসুং বিজেপীগী পরীমল সুক্লবদ্য, এ আই ইউ দি এফ কী কার্তিক সেনা সিনহা অসিন চিংবনি। বরাক তম্পাক্কী ওইনা মায়পাক্লবা মরুওইবা মীওইশিংদি মন্ত্রী গৌতম রায় অমসুং দীনেস প্রসাদ গোৱালা, পার্লিয়ামেন্টরী সেক্রেটরী অজিত সিং অমসুং সিদ্দেক অহমদ, সিলচর মিউনিসিপাল বোর্দকী চেয়ারপার্সন সুস্মিতা দেব, স্তেট ইরিগেসন লোইশঙগী অফিসার এনামুল হোক, দাঃ রুমী নাথ, অৱাং করিমগঞ্জতা মরীরক শুবা ওইনা এম এল এ ওইরম্বা মীসন রঞ্জন দাস বু মাইথীবা পীখিবা কংগ্রেসকী কমলাক্ষ দে পুরকায়স্থগী মীং পনব য়াই। রাতাবারী কন্সিটটুয়েন্সিদা হান্নগী এম এম এল এ কংগ্রেসকী কৃপানাথ মাল্লা না ভোট ৩৩,০৪৩ অদুগা মহাক্কী খ্বাইদগী নক্নবা লম্বা নীখিল সুক্লবদ্যনা ভোট ২০,৬১৪ ফংদুনা তুং ইনখি। কাটলিছরা কেন্দ্রদা এক্সাইজ মন্ত্রী গৌতম রায়না ভোট ৬৫,৪৩৫ ফংবগা লোয়ননা ৬শুবা ওইনা এম এল এ গী ফম চেৎনা পায়খ্রে। কেন্দ্র অসিদা মহাক্কী নক্নবা লম্বা এ আই ইউ দি এফ কী মীরেপ জোতিস চন্দ্র দে না ভোট মশিং ৩৩, ৪৬৮ ফংদুনা মথং চেনখি। হাইলাকান্দিদা কংগ্রেসকী মীরেপ আব্দুল মুহিব মজুমদারনা ভোট ৩৩,০৩৮ ফংদুনা মায় পাকখি। মীরেপ ২০না লম্বা তৌনখিবা কেন্দ্র অসিদা মহাক্কী নক্নবা লম্বা বিজেপীগী মীরেপ সুব্রতা কুমার নাথনা ভোট মশিং ২৮,০৪৫ ফংদুনা মথং চেনখি। পনবা য়াই হায়রিবা হাইলাকান্দি কেন্দ্র অসিদা দল নাইদবা ইন্দিপেন্দেন্ট মীরেপ ১৪না হন্দক্কী মীখলদা লম্বা তৌনখি। আলগাপুর কেন্দ্রদা হান্নগী মন্ত্রী শহীদুল আলম চৌধুরীনা ভোট মশিং ৫৭,১৬৭ ফংদুনা মহাক্কী নক্নবা লম্বা রাহুল রায়বু মাইথীবা পীখি। কেন্দ্র অসিদা রাহুল রায়না ভোট মশিং ৪২,১২৬ ফংদুনা মথং চেনখি।
শিলচর কেন্দ্রদা সিলচর মিউনিসিপাল বোর্দকী চেয়ারপার্সন সুস্মিতা দেবনা মহাক্কী লম্বা বিজেপীগী রাজদীপ রোয়বু মাইথীবা পীখি। সুস্মিতানা ভোট ৫৬,৩৭৭ অদুগা রাজদীপনা ভোট মশিং ৪২,৩৬৬ ফংখি।
বরখোলা কন্সিটটুয়েন্সিদা দাঃ রুমী নাথনা মহাক্কী নক্না লম্বা হান্নগী মন্ত্রী মীসবাউল ইসলাম লস্করবু মাইথীবা পীখি। দাঃ নাথনা ৪৪,৪৪৩ অমসুং লস্করনা ৩৩,৩৩২ ফংখি।
মীরেপ ১৩ থেঙ্গাইনখিবা সোনাই কন্সিটটুয়েন্সিদা কংগ্রেসকী এনামুল হোকনা মহাক্কী নক্নবা লম্বা বিজেপীগী অধেস কুমার সিংবু মাইথীবা পীখি। এনামুল হোকনা ভোট মশিং ৬৩,৬১১ অদুগা অধেস কুমারনা ভোট মশিং ২১,৫৮৩ ফংখি।
উধারবন্দ কন্সিটটুয়েন্সিদা অজিত সিংনা মহাক্কী নক্নবা লম্বা বিজেপীগী সুরেন্দ্র প্রসাদপু মাইথীবা পীখি। কেন্দ্র অসিদা অজিত সিংনা ভোট ৫৬,৭৫৫ অমসুং সুরেন্দ্র প্রসাদনা ভোট মশিং ১২,৩২০ ফংখি। কেন্দ্র অসিদা এ আই ইউ দি এফকী মীরেপ শ্রী নন্দবাবু সিংহনা ভোট মশিং ২,৫৯৯ খক ফংখি।
ধোলাই কন্সিটটুয়েন্সিদা কংগ্রেসকী মীরেপ গীরীন্দ্র মালিকনা মহাক্কী নক্নবা লম্বা বিজেপীগী পরীমল সুক্লবদ্যবু মাইথীবা পীখি। গীরীন্দ্রনা ভোট মশিং ৫২,৭৩৪ অমসুং পরিমলনা ভোট মশিং ৩৮,৩৬৪ ফংখি।
হাফলোং কন্সিটটুয়েন্সিদা ইন্দিয়ান নেসনেল কংগ্রেসকী মীরেপ গোবিন্দ চন্দ্র লংথাসানা মহাক্কী নক্নবা লম্বা বিজেপীগী মীরেপ কুলেন্দ্র দৌলাগাপু বু মাইথীবা পীখি। লংথাসানা ভোট মশিং ৩৮০৭৬ অদুগা দৌলাগাপুনা ভোট মশিং ১২,৫৮৮ ফংখি।
মফম অনিদা মীরেপ ওইখিবা হান্নগী মুখ্যমন্ত্রী এজিপীগী শ্রী প্রফুল্ল কুমার মহন্ত বরহমপুরদা মাইপাক্লবসু সামাগুরী কন্সিটটুয়েন্সিদা মাইথীবা নংখি। বরহমপুর কন্সিটটুয়েন্সি দা শ্রী মহন্তনা ভোট মশিং ৫৫,৮৮৯ ফংদুনা মাইপাকখি অদুগা কেন্দ্র অসিদা কংগ্রেসকী মীরেপ সুরেস বোরানা ভোট মশিং ৩৯,৯৩৩ ফংদুনা মথং চেনখি। অসোমদা সামাগুরী কন্সিটটুয়েন্সিদা কংগ্রেসকী মীরেপ রকীবুল হুসেননা ভোট মশিং ৬১,৩৩২ ফংদুনা মাইপাকখি, কেন্দ্র অসিদা শ্রী মহন্ত ভোট মশিং ৪১,৪৭২ ফংলগা মথং চেনখি।
অসোমদা তীতাবর কন্সিটটুয়েন্সিদা মীরেপ ওইখিবা আসামগী মুখ্যমন্ত্রী শ্রী তরুণ গোগোই মহাক্কী নক্নবা লম্বা এ জি পী গী মীরেপ মন্টুমনি দত্ত বু মাইথিবা পীখি। শ্রী গোগোইনা ভোট মশিং ৬৫,৪১৮ অদুগা মন্টুমনিনা ভোট মশিং ১১,২১৯ ফংখি।
লক্ষীপুর কন্সিটটুয়েন্সিদা এম এল এ শ্রী দীনেস প্রসাদ গোৱালানা মহাক্কী নক্নবা লম্বা বিজেপীগী শ্রীমতি রীনা সিংহদগী ভোট ৩০,০৭৮ হেন্না ফংখি। শ্রী গোৱালানা ভোট মশিং ৫১,৯৭৫ অমসুং রীনা সিংহনা ভোট মশিং ২১,৮৯৭ ফংখি।
কেন্দ্র অসিদা ওল ইন্দিয়া ইউনাইতেদ দেমোক্রেটিক ফ্রন্টকী মীরেপ চাউবা মীয়ানা ভোট মশিং ১১,৩২৬ , অসম গণ পরিষদকী মীরেপ দ্বীজমনি সিংহনা ভোট মশিং ১,৬৪৩ , দল নাইদবা মীরেপ সঞ্জয় অতিত্য সিংনা ভোট মশিং ৫,১১২ , ওল ইন্দিয়া ত্রীনামুল কংগ্রেসকী মীরেপ মসরফ্ আলী চৌধুরীনা ভোট মশীং ১,১৪৩ , দল নাইদবা মীরেপ নজমুল হক লস্করনা ভোট মশিং ৫৪৬ অমসুং দল নাইদবা মীরেপ নাজীম উদ্দিন মজুমদারনা ভোট মশিং ১,০২৪ ফংখি। অসোমদা হন্দক এ আই ইউ দি এফকী মীরেপ ওইরিবা মহম্মদ চাউবা মীয়া হৌখিবা ২০০৬কী মীখলদা কেন্দ্র অসিদা এ জি পী গী মীরেপ ওইনা চোংথোকতুনা লেপখিবদা ভোট ১৪,৯০১ ফংদুনা অহুমশুবা দা লৈখি।
বিজেপীগী মীরেপ রীনা সিংহগী ওইনদি হন্দক্কী অসিগা থারগা অহুমসুবা লানফমদা মাইথিবনি। ইং ২০০১গী মীখলদা দীনেস প্রসাদ গোৱালানা ভোট মশিং ৩৬,৫৭০ ফংখিবদা রীনা সিংহনা ভোট মশিং ২৬,৮১৫ ফংদুনা মথং চেনখি। ইং ২০০৬কী মীখলদা শ্রী দীনেস প্রসাদ গোৱালানা ভোট মশিং ৫৩,০৫২ ফংখি অদুগা রীনা সিংহনা ভোট মশিং ২২,৩৮৫ ফংখি। হন্দকসু অসিমঙাই শ্রী দীনেস প্রসাদ গোৱালানা ভোট মশিং ৫১,৯৭৫ ফংখি অদুগা রীনা সিংহনা ভোট মশিং ২১,৮৯৭ ফংখি।
অসোমদা লক্ষীপুরদা বিধানসভাগী অহানবা পাঙথোকপা মীখলদা ইংশোক ১৯৫২ দগী ১৯৬৪ ফাওবা রামপ্রসাদ চৌবে না লক্ষীপুরগী এম এল এ ওইদুনা লাকখি। অদুগা ইংশোক ১৯৬৪ দগী ১৯৭২ ফাওবা শ্রী মেরা চাউবা সিংহনা লক্ষীপুরগী অহানবা মৈতৈ মচা এম এল এ ওইনা মীয়ামগী সেবা তৌদুনা লাকখি। ইংশোক ১৯৭২ দগী ১৯৭৭ ফাওবা শ্রী শুভঙ্কর সিংহনা অমুক এম এল এ ওইনা লক্ষীপুর মীয়ামগী সেবা তৌবা অনিশুবা মৈতৈ মচা ওইখি। মতুংদা অমুক ইংশোক ১৯৭৮দগী ১৯৮১ ফাওবা মৈতৈ পাঙল কাজি কুতুব উদ্দিন আহমেদনা এম এল এ ওইবা মতুংদগীদি ঙসি ফাওবা শাংলবা চহী কয়ামরোম অসি শ্রী দীনেশ প্রসাদ গোৱালানা এম এল এ ওইদুনা লৈরকলি।
ইংশোক ১৯৮১ দগী ঙসি ফাওবা থেংখাঙ তরেৎলক শুবা ওইনা শ্রী দীনেশ প্রসাদ গোৱালানা লক্ষীপুরগী এম এল এ ওইনা মীয়ামগী পুক্নিং জয় তৌদুনা লাকলি। (লক্ষীপুর-অনলাইন)
আসাম বিধান সভাগী মীখলদা তরুন গোগোইনা লুচিংবা কংগ্রেস সরকারনা অহুম্লক শুবা ওইনা মায়পাকখ্রে। সীট ১২৬ লৈবা এসেম্বলী অসিদা কংগ্রেসনা সীট ৭৮, এজিপীনা ১০, এ আই ইউ দি এফ না সীট ১৮, বিজেপীনা সীট ৫, বোরোলেন্দ পীপলস্ ফ্রোন্টনা সীট ১২, ওল ইন্দিয়া ট্রিনামুল কংগ্রেসনা সিট ১ অদুগা অতৈনা সীট ২ ফংদুনা মায়পাকখ্রে।
বরাক তম্পাক্কী ওইনদি অপুনবা সীট ১৫দা সীট ১৩দি কংগ্রেসনা হুমদুনা পুখ্রে। হৌখিবা ২০০৬কী মীখলদা কংগ্রেসকী মমিফাওবা উরমদবা করিমগঞ্জতা হন্দক কন্সিটটুয়েন্সি অসিগী অৱাং করিমগঞ্জ, খা করিমগঞ্জ, বদরপুর, পাথারকান্দি অমসুং রাতাবারীগী সীট ৫ মক লোয়না কংগ্রেসনা মায় পাকলে। কাছার জিলাদসু অসিমঙাই জিলা অসিগী কন্সিটটুয়েন্সি ৭ তা কাটিগোরা নত্তনা অতৈ সীট ৬ শিলচর, সোনাই, ধোলাই, উধারবন্দ, লক্ষীপুর অমসুং বরখোলাদা শিৎশিৎনা কংগ্রেসনা মায়পাকখি। অসোমদা হাইলাকান্দি জিলাগী সীট অহুমদা সীট ২ কংগ্রেসকী খাউদা চংখি। জিলা অসিগী আলগাপুর কন্সটিটুয়েন্সিদা মন্ত্রী শ্রী গৌতম রাইগী মচানিপা রাহুল রায় হন্দকতি এজিপীগী মীরেপ সহিদুল আলম চৌধুরীগী মখুত্তা মাইথীখি। হন্দক্কী মীখলদা মায়থীহৌরবা মরুওইবা মীওই খরদি বিজেপীগী মীসন রঞ্জন দাস অমসুং বিজেপীগী পরীমল সুক্লবদ্য, এ আই ইউ দি এফ কী কার্তিক সেনা সিনহা অসিন চিংবনি। বরাক তম্পাক্কী ওইনা মায়পাক্লবা মরুওইবা মীওইশিংদি মন্ত্রী গৌতম রায় অমসুং দীনেস প্রসাদ গোৱালা, পার্লিয়ামেন্টরী সেক্রেটরী অজিত সিং অমসুং সিদ্দেক অহমদ, সিলচর মিউনিসিপাল বোর্দকী চেয়ারপার্সন সুস্মিতা দেব, স্তেট ইরিগেসন লোইশঙগী অফিসার এনামুল হোক, দাঃ রুমী নাথ, অৱাং করিমগঞ্জতা মরীরক শুবা ওইনা এম এল এ ওইরম্বা মীসন রঞ্জন দাস বু মাইথীবা পীখিবা কংগ্রেসকী কমলাক্ষ দে পুরকায়স্থগী মীং পনব য়াই। রাতাবারী কন্সিটটুয়েন্সিদা হান্নগী এম এম এল এ কংগ্রেসকী কৃপানাথ মাল্লা না ভোট ৩৩,০৪৩ অদুগা মহাক্কী খ্বাইদগী নক্নবা লম্বা নীখিল সুক্লবদ্যনা ভোট ২০,৬১৪ ফংদুনা তুং ইনখি। কাটলিছরা কেন্দ্রদা এক্সাইজ মন্ত্রী গৌতম রায়না ভোট ৬৫,৪৩৫ ফংবগা লোয়ননা ৬শুবা ওইনা এম এল এ গী ফম চেৎনা পায়খ্রে। কেন্দ্র অসিদা মহাক্কী নক্নবা লম্বা এ আই ইউ দি এফ কী মীরেপ জোতিস চন্দ্র দে না ভোট মশিং ৩৩, ৪৬৮ ফংদুনা মথং চেনখি। হাইলাকান্দিদা কংগ্রেসকী মীরেপ আব্দুল মুহিব মজুমদারনা ভোট ৩৩,০৩৮ ফংদুনা মায় পাকখি। মীরেপ ২০না লম্বা তৌনখিবা কেন্দ্র অসিদা মহাক্কী নক্নবা লম্বা বিজেপীগী মীরেপ সুব্রতা কুমার নাথনা ভোট মশিং ২৮,০৪৫ ফংদুনা মথং চেনখি। পনবা য়াই হায়রিবা হাইলাকান্দি কেন্দ্র অসিদা দল নাইদবা ইন্দিপেন্দেন্ট মীরেপ ১৪না হন্দক্কী মীখলদা লম্বা তৌনখি। আলগাপুর কেন্দ্রদা হান্নগী মন্ত্রী শহীদুল আলম চৌধুরীনা ভোট মশিং ৫৭,১৬৭ ফংদুনা মহাক্কী নক্নবা লম্বা রাহুল রায়বু মাইথীবা পীখি। কেন্দ্র অসিদা রাহুল রায়না ভোট মশিং ৪২,১২৬ ফংদুনা মথং চেনখি।
শিলচর কেন্দ্রদা সিলচর মিউনিসিপাল বোর্দকী চেয়ারপার্সন সুস্মিতা দেবনা মহাক্কী লম্বা বিজেপীগী রাজদীপ রোয়বু মাইথীবা পীখি। সুস্মিতানা ভোট ৫৬,৩৭৭ অদুগা রাজদীপনা ভোট মশিং ৪২,৩৬৬ ফংখি।
বরখোলা কন্সিটটুয়েন্সিদা দাঃ রুমী নাথনা মহাক্কী নক্না লম্বা হান্নগী মন্ত্রী মীসবাউল ইসলাম লস্করবু মাইথীবা পীখি। দাঃ নাথনা ৪৪,৪৪৩ অমসুং লস্করনা ৩৩,৩৩২ ফংখি।
মীরেপ ১৩ থেঙ্গাইনখিবা সোনাই কন্সিটটুয়েন্সিদা কংগ্রেসকী এনামুল হোকনা মহাক্কী নক্নবা লম্বা বিজেপীগী অধেস কুমার সিংবু মাইথীবা পীখি। এনামুল হোকনা ভোট মশিং ৬৩,৬১১ অদুগা অধেস কুমারনা ভোট মশিং ২১,৫৮৩ ফংখি।
উধারবন্দ কন্সিটটুয়েন্সিদা অজিত সিংনা মহাক্কী নক্নবা লম্বা বিজেপীগী সুরেন্দ্র প্রসাদপু মাইথীবা পীখি। কেন্দ্র অসিদা অজিত সিংনা ভোট ৫৬,৭৫৫ অমসুং সুরেন্দ্র প্রসাদনা ভোট মশিং ১২,৩২০ ফংখি। কেন্দ্র অসিদা এ আই ইউ দি এফকী মীরেপ শ্রী নন্দবাবু সিংহনা ভোট মশিং ২,৫৯৯ খক ফংখি।
ধোলাই কন্সিটটুয়েন্সিদা কংগ্রেসকী মীরেপ গীরীন্দ্র মালিকনা মহাক্কী নক্নবা লম্বা বিজেপীগী পরীমল সুক্লবদ্যবু মাইথীবা পীখি। গীরীন্দ্রনা ভোট মশিং ৫২,৭৩৪ অমসুং পরিমলনা ভোট মশিং ৩৮,৩৬৪ ফংখি।
হাফলোং কন্সিটটুয়েন্সিদা ইন্দিয়ান নেসনেল কংগ্রেসকী মীরেপ গোবিন্দ চন্দ্র লংথাসানা মহাক্কী নক্নবা লম্বা বিজেপীগী মীরেপ কুলেন্দ্র দৌলাগাপু বু মাইথীবা পীখি। লংথাসানা ভোট মশিং ৩৮০৭৬ অদুগা দৌলাগাপুনা ভোট মশিং ১২,৫৮৮ ফংখি।
মফম অনিদা মীরেপ ওইখিবা হান্নগী মুখ্যমন্ত্রী এজিপীগী শ্রী প্রফুল্ল কুমার মহন্ত বরহমপুরদা মাইপাক্লবসু সামাগুরী কন্সিটটুয়েন্সিদা মাইথীবা নংখি। বরহমপুর কন্সিটটুয়েন্সি দা শ্রী মহন্তনা ভোট মশিং ৫৫,৮৮৯ ফংদুনা মাইপাকখি অদুগা কেন্দ্র অসিদা কংগ্রেসকী মীরেপ সুরেস বোরানা ভোট মশিং ৩৯,৯৩৩ ফংদুনা মথং চেনখি। অসোমদা সামাগুরী কন্সিটটুয়েন্সিদা কংগ্রেসকী মীরেপ রকীবুল হুসেননা ভোট মশিং ৬১,৩৩২ ফংদুনা মাইপাকখি, কেন্দ্র অসিদা শ্রী মহন্ত ভোট মশিং ৪১,৪৭২ ফংলগা মথং চেনখি।
অসোমদা তীতাবর কন্সিটটুয়েন্সিদা মীরেপ ওইখিবা আসামগী মুখ্যমন্ত্রী শ্রী তরুণ গোগোই মহাক্কী নক্নবা লম্বা এ জি পী গী মীরেপ মন্টুমনি দত্ত বু মাইথিবা পীখি। শ্রী গোগোইনা ভোট মশিং ৬৫,৪১৮ অদুগা মন্টুমনিনা ভোট মশিং ১১,২১৯ ফংখি।
লক্ষীপুর কন্সিটটুয়েন্সিদা এম এল এ শ্রী দীনেস প্রসাদ গোৱালানা মহাক্কী নক্নবা লম্বা বিজেপীগী শ্রীমতি রীনা সিংহদগী ভোট ৩০,০৭৮ হেন্না ফংখি। শ্রী গোৱালানা ভোট মশিং ৫১,৯৭৫ অমসুং রীনা সিংহনা ভোট মশিং ২১,৮৯৭ ফংখি।
কেন্দ্র অসিদা ওল ইন্দিয়া ইউনাইতেদ দেমোক্রেটিক ফ্রন্টকী মীরেপ চাউবা মীয়ানা ভোট মশিং ১১,৩২৬ , অসম গণ পরিষদকী মীরেপ দ্বীজমনি সিংহনা ভোট মশিং ১,৬৪৩ , দল নাইদবা মীরেপ সঞ্জয় অতিত্য সিংনা ভোট মশিং ৫,১১২ , ওল ইন্দিয়া ত্রীনামুল কংগ্রেসকী মীরেপ মসরফ্ আলী চৌধুরীনা ভোট মশীং ১,১৪৩ , দল নাইদবা মীরেপ নজমুল হক লস্করনা ভোট মশিং ৫৪৬ অমসুং দল নাইদবা মীরেপ নাজীম উদ্দিন মজুমদারনা ভোট মশিং ১,০২৪ ফংখি। অসোমদা হন্দক এ আই ইউ দি এফকী মীরেপ ওইরিবা মহম্মদ চাউবা মীয়া হৌখিবা ২০০৬কী মীখলদা কেন্দ্র অসিদা এ জি পী গী মীরেপ ওইনা চোংথোকতুনা লেপখিবদা ভোট ১৪,৯০১ ফংদুনা অহুমশুবা দা লৈখি।
বিজেপীগী মীরেপ রীনা সিংহগী ওইনদি হন্দক্কী অসিগা থারগা অহুমসুবা লানফমদা মাইথিবনি। ইং ২০০১গী মীখলদা দীনেস প্রসাদ গোৱালানা ভোট মশিং ৩৬,৫৭০ ফংখিবদা রীনা সিংহনা ভোট মশিং ২৬,৮১৫ ফংদুনা মথং চেনখি। ইং ২০০৬কী মীখলদা শ্রী দীনেস প্রসাদ গোৱালানা ভোট মশিং ৫৩,০৫২ ফংখি অদুগা রীনা সিংহনা ভোট মশিং ২২,৩৮৫ ফংখি। হন্দকসু অসিমঙাই শ্রী দীনেস প্রসাদ গোৱালানা ভোট মশিং ৫১,৯৭৫ ফংখি অদুগা রীনা সিংহনা ভোট মশিং ২১,৮৯৭ ফংখি।
অসোমদা লক্ষীপুরদা বিধানসভাগী অহানবা পাঙথোকপা মীখলদা ইংশোক ১৯৫২ দগী ১৯৬৪ ফাওবা রামপ্রসাদ চৌবে না লক্ষীপুরগী এম এল এ ওইদুনা লাকখি। অদুগা ইংশোক ১৯৬৪ দগী ১৯৭২ ফাওবা শ্রী মেরা চাউবা সিংহনা লক্ষীপুরগী অহানবা মৈতৈ মচা এম এল এ ওইনা মীয়ামগী সেবা তৌদুনা লাকখি। ইংশোক ১৯৭২ দগী ১৯৭৭ ফাওবা শ্রী শুভঙ্কর সিংহনা অমুক এম এল এ ওইনা লক্ষীপুর মীয়ামগী সেবা তৌবা অনিশুবা মৈতৈ মচা ওইখি। মতুংদা অমুক ইংশোক ১৯৭৮দগী ১৯৮১ ফাওবা মৈতৈ পাঙল কাজি কুতুব উদ্দিন আহমেদনা এম এল এ ওইবা মতুংদগীদি ঙসি ফাওবা শাংলবা চহী কয়ামরোম অসি শ্রী দীনেশ প্রসাদ গোৱালানা এম এল এ ওইদুনা লৈরকলি।
ইংশোক ১৯৮১ দগী ঙসি ফাওবা থেংখাঙ তরেৎলক শুবা ওইনা শ্রী দীনেশ প্রসাদ গোৱালানা লক্ষীপুরগী এম এল এ ওইনা মীয়ামগী পুক্নিং জয় তৌদুনা লাকলি। (লক্ষীপুর-অনলাইন)
0 Comments
Comments ...