Lakhipuronline

First bilingual News blog of North East India, breaking news in English & Manipuri. Updates about Barak Valley...

  || BREAKING NEWS ||   #### লাক্লিবা জনুৱারী তাং ১৯ দা অৱাং কাছার চীঙ জিলা ওতোনোমাস কাউন্সিলগী মীখল পাঙথোক্লগনি। #### ত্রিপল তলাক ওর্দিনান্স অমুক হন্না চৎনহনবা রাষ্ট্রপতিনা য়ারে। #### শেল থুমগী ফিভম শোত্থরবা মীওইশিংদা চাদা ১০ রিজার্বেসন পীনবা বিল রাষ্ট্রপতিনা অয়াবা পীরে। #### সিক্কিমগী মুখ্যমন্ত্রিনা ইমুং অমদা থবক অমা হায়বা স্কীম অমা হৌদোকখ্রে।। ####

April 03, 2011

হৌখিবা চহী ১০ অসিদা আসামগী মীশীং ৪৫,১৩,৭৭৪ হেনগত্খ্রে ।

লক্ষীপুর, এপ্রিল 3 - রেজিস্ট্রার জেনরেল অব ইন্দিয়ানা লাউথোকখিবা সেন্সস ২০১১ গী প্রোবিজনেল ফিগরগী মতুং ইন্না ঐখোয়গী রাজ্য আসামগী অপুনবা মীশীং অসি নুপা ১,৫৯,৫৪,৯২৭ অমসুং নুপী ১,৫২,১৪,৩৪৫ য়াওরগা পুন্না আসামগী মীশীং অসি ৩,১১,৬৯,২৭২ ওইরে। হৌখিবা চহী ১০ অসিদা রাজ্য অসিগী মীশীং ৪৫,১৩,৭৭৪ হেনগত্খ্রে । লৈবাক অসিগী ওইনা মীশীং হেনগৎপগী চাং ১৭.৬৪ ওইবদা রাজ্য অসিগী মীশীং হেনগৎপগী চাং অসি ১৬.৯৩ তমক ওইরি। আসাম রাজ্যগী অপুনবা মীশীং ৩,১১,৬৯,২৭২ গী মনুংদা চহী ৬ কী মখাদা লৈবা অঙাংগী মশিংনা ৪৫,১১,৩০৭ নি। ভারত পুম্বগী ওইনা য়েংনবদা মীশীং হেৎনগৎপগী চাং অসি আসাম রাজ্যনা হন্থনা লৈরি। লাইরিক ময়েক চত্পগী চাংনা চাদা ৭৩.১৮ ওইরি। নুপানা চাদা ৭৮.৮১ অদুগা নুপীনা ৬৭.২৭ ওইরি। মিজোরামগী সারচীপ জিলানা চাদা ৯৮.৭৬ গী চাংদা লৈদুনা লাইরিক ময়েক চৎপগী মশীং খ্বাইদগী হেল্লী অদুগা মধ্যপ্রদেশকী আলিরাজপুর জিলানা চাদা ৩৭.২২ দা লৈদুনা লাইরিক ময়েক চৎপদা খৱাইদগী হন্থবা চাংদা লৈরি। মী কুংনা তাবগী চাংনা আসাম রাজ্য অসিগী বর্গ কিলোমিটার অমমমদা মীওই ৩৯৭ খুন্দারি। হন্দক্কী মীশীং থীবসিগী মতুং ইন্না কাছার জিলাগী মীশীং ১৭,৩৬,৩১৯ ওইরি। অদুগা করিমগঞ্জকীনা ১২,১৭,০০২ অমসুং হাইলাকান্দিনা ৬,৫৯,২৬০ ওইরি। পনবা য়াই, কাছার জিলাদা হৌখিবা চহী ১০ অসিদা মীশীং ২,৯১,৩৯৮ হেনগত্খ্রে । (Source: Lakhipuronline)

No comments:

Post a Comment

Comments ...