খ্বাইরাকপা ঈরেল উমংলাই খুভমগী চহীগী ঈরাত থৌরম (নরান্দোর) নোংমাইজিং নুমিত্ জনুবারী তাং ১৬তা পাঙথোক্লগনি|

লক্ষীপুর, কাছার, জনুবারী ১৩, ২০১১ : বাকচীংগী অনিশুবা নোংমাইজিংদা চহীগী পাঙথোক্তুনা লাকখিবা খ্বাইরাকপা ঈরেল উমংলাই খুভমগী চহীগী ঈরাত থৌরম কুমশি কুমজাগী ওইনা লাকলিবা নোংমাইজিং নুমিত্ জনুবারী তাং ১৬ বাকচীংগী ১১নি পানবদা পাঙথোক্লগনি| মীতোপশিংনা নরান্দোর হায়নসু খঙনবা বরাক তুরেল মরিলগী ঈথত্ মচা অমদা লৈরিবা চীঙু উমংলাই খুভমদা পাঙথোক্কদৌরিবা ঈরাত্ থৌরমসিদা মীয়ামনা নাত্কী ফিজোল শেত্পীদুনা শরুক য়াবিয়ু হায়না খ্বাইরাকপা ঈরেল উমংলাই ঙাকশেল্লুপকী মায়গৈদগী ফোঙদোরকলি| ঈরাত্ থৌনিগী মতম নুমিত্ অসিগী অয়ুক পুং ৮ দগী নুংথিল পুং ৩ ফাওবনি হায়রি|