Lakhipuronline

Dealing with the issues...

February 08, 2009

Khwairakpa Erel Umanglai Khuvam (Narandarh)

Lakhipur (Cachar, Assam), January 05 2008: Wakching gee anisuba nongmaijingda chahigee pangthoktuna lakkhiba Khwairakpa Erel Umanglai Khuvam gee chahi gee erat thouram ngasi chinglemna pangthok khre.Meetopsingna Naraindhar (Narandor) hainasu khangnaba Barak turel marilgee ithat macha amada leiba Khwairakpa Erel Umanglai Khuvam asi tampak asigi meeoisingna chahee kayagee mamangdagee erat tuna lakkhibani.Adubu chahi gee esing echouna maram oiduna khuvam gee phibaan adum adum sokchillakpadagi thangnaba chingee napom amada houkhiba 2005 dagee houjik leiriba anouba khuvam asida hongdoklaga erattuna lakkhi.
Khwairakpa Erel Umanglai Khuvam da lai khurumba laknakhiba bhakta sing (Photo ? Longjam Dorendra)Assam gi manung mapangita nattana Manipur dageesu laikhurumba bhakta 3000 rom na chingoo nongpok apanba gee lai lampakta tillakhi.Erat thouram asiboo mapung phanaba hotnabada meeoi 100 romna volunteer gi thoudang loukhi.Bhakta kayana ngasi ayuk anganbada Fulertal (Lakhipur) hee thangphamda hee ngaiduna leinakhi.Handak lai khurumbagee damak khuvamda tillakhiba hee gi masing engine panba hee 28 yaona hee masing 142 rom oikhi.Fulertal hee thangphamdagee khutna honba heeda yamdraba pung 3 rom aduga engine panba hee dana pung 1 rom changna kilometer 10 rom barak marilda nongpok pangna haigatlaga khuvam asi youba ngammi.Crpf amadi Lakhipur Police ki meeoi 150 romna mikup nahoom singna ngasigee erat thouramsibu ngak senkhi.Lakhipur Block Public Health Centre gee Medical Team amasu saruk yakhee.Ngsigi erat thouramgee manung channa ekaubagee thouram pena seitharol ga loinana pangthoklaba tungda amaibina chingoo paojel chenbikhi.1979 da lamdamsi naharol singgee marakta khuvam asigi damak meepham ama pangthoktuna Khwairakpa Erel Umanglai Khuvam Ngaksellup haina mingthonba lup ama semduna 1980 dagi kumjagee erat thouram pangthoklakhi.Khuvam asi ahanbada wakching gee nongmaijing marimakta pangthoklamkhi adubu Khwairakpa Erel Umanglai Khuvam Ngaksellup na wakching gee anisuba nongmaijing da supchinduna nongmagee oina erat thouram pangthoklakhi.
* The writer can be contacted at longjamdorendra(at)yahoo(dot)co(dot)in .

No comments:

Post a Comment

Comments ...